ބާ ޖަމާލުއްދީން ސްކޫލް ހުރި ބިމުގައި އަރަބިއްޔާގެ އާ އިމާރާތް އަޅަން ކުރީގެ ސަރުކާރުން އަމިން ކޮންސްޓްރަކްޝަނާއި ހަވާލުކޮށް އެއްބަސްވުމުގައި ސޮއިކުރީ ސެޕްޓެމްބަރު 29، 2022 ގައެވެ. އެ މަސައްކަތް އޭރު އެ ސްކޫލާއި ހަވާލުކުރީ 168.5 މިލިއަން ރުފިޔާއަށެވެ.
ބައު ޖަމާލުއްދީން ހުރި ބިމުގައި އަރަބިއްޔާ އަޅަން ނިންމި ނަމަވެސް މި ސަރުކާރުން ވަނީ އަރަބިއްޔާ އަޅަން އެހެން ބިމެއް ހަމަޖައްސާފައެވެ. އެއީ ކުރިން މާލޭގެ ކުނިކޮށި ހުރި ބިމެވެ. ކުރީ ސަރުކާރުން އަރަބިއްޔާގެ އާ އިމާރާތް އެޅުމަށް ނިންމާފައިވަނީ 6 ފަންގިފިލާއަށެވެ. އެހެންނަމަވެސް މި ސަރުކާރުން ވަނީ މަޝްރޫއުގެ ޑިޒައިނަށް ބަދަލުތަކެއް ގެނެސް 10 ފަންގިފިލާއަށް އެޅުމަށް ނިންމާފައެވެ. މި ބަދަކާއި އެކު މަސައްކަތުގެ އަގު 240 މިލިން ރުފިޔާ އަށް އަރާކަމަށް ކޮންޓެރްޓަރު ވަނީ ބުނެފައެވެ.
މި ސަރުކާރުގެ ފުރަތަމަ 14 ހަފްތާގެ ތެރޭގައި އެޑިއުކޭޝަަނުން ރަސްމިއްޔާތެއް ބާއްވާ އަރަބިއްޔާ ސްކޫލްގެ މަޝސައްކަތް ފެށިކަން އިއުލާންކުރިއެވެ. އަދި ސްކުލްގެ މަސއްކަތް ނިންމާ 2025ގައި ކިޔަވާދޭން ފެށޭނެކަމަށް އެޑިއުކޭޝަން މިނިސްޓަރު އޭރު ވިދާޅުވިއެވެ.
އަރަބިއްޔާ ސްކޫލް އާ އިމާރާތް އެޅުމުގެ އެއްބަސްވުން ބާތިލުކޮށްފައިވާކަމަށް އެޑިއުކޭޝަންގެ އޮފިޝަލަކު ބުނިއެވެ. ސަބަބެއްކަމަށް ވިދާޅުވީ އެ އިމާރާތް އަޅަން ކޮންޓްރެކްޓަރު ހުށައަޅާފައިވާ އަގަކީ މާކެޓް އަގުތަކަށް ވުރެ މާ ބޮޑު އަގަކަށް ވުމުންނެވެ.
އެ އޮފިޝަލް ބުނީ އެއްބަސްވުން ބާތިލުކުރީ އަގު ކުޑަކުރުމަށް ކޮންޓަރެކްޓަރާއި ވާހަކަ ދެއްކުމަށްފަހު އެކަން ނުވުމުންކަމަށެވެ.
އަރަބިއްޔާ ސްކޫލްގެ ކުދިންނަށް އާ އިމާރާތެއް ނުލިބި، އެއްތަނުން އަނެއް ތަނަށް ބަދަލުވުން އާންމުވުމުން އެ ސްކޫލްގެ ބެލެނިވެރިންގެ ޝަކުވާ މިދިޔަ ސަރުކާރުގައި ވަރަށް ބޮޑުވި އެވެ. އެހެންވެ، ރައީސް މުއިއްޒު ވެރިކަމުގެ ކެމްޕެއިންގެ ތެރޭގައި ދެއްވި އެންމެ ބޮޑު އެއް ޔަގީން ކަމަކީ އެ ކަމަށް ދާއިމީ ހައްލެއް ހޯއްދަވައި ދެއްވާނެ ކަމެވެ.
