ރައީސް މުއިއްޒު އދ. ގެ ސެކިއުރިޓީ ކައުންސިލުގައި: ފޮޓޯ: ރައީސް އޮފީސް
އެމެރިކާއަށް ކުރެއްވި ދަތުރުފުޅަށްފަހު، ރައީސް މުއިއްޒު ރާއްޖެ ވަޑައިގެންފި
ގުފްތަގް އަޖީރު
29 ސެޕްޓެމްބަރ 2024 - 09:01:58
ރައީސް ޑރ. މުހައްމަދު މުއިއްޒު އދ.ގެ އާންމު މަޖިލީހުގެ 79 ވަނަ ސެޝަންގައި ބައިވެރިވެވަޑައިގަތުމަށް ކުރެއްވި ރަސްމީ ދަތުރުފުޅު ނިންމަވާލައްވައި މިއަދު ރާއްޖެ ވަޑައިގެންފިއެވެ.
Advertisement
ރައީސް މުއިއްޒު މި ދަތުރުފުޅުގައި އދ.ގެ އާންމު މަޖިލީހުގެ ޖެނެރަލް ޑިބޭޓްގައި ތަގުރީރު ކުރެއްވުމުގެ އިތުރުން، އދ.ގެ ސަލާމަތީ މަޖިލީހުގައިވެސް ވާހަކަފުޅު ދެއްކެވިއެވެ. މިއީ ރާއްޖެ އދ.ގެ މެންބަރަކަށްވީ ފަހުން، ރާއްޖޭގެ ރައީސަކު ސަލާމަތީ މަޖިލީހުގައި ތަގުރީރު ކުރެއްވި ފުރަތަމަ ފަހަރެވެ.
ދަތުރުފުޅުގައި ރައީސް މުޢިއްޒު ވަނީ އެކި ގައުމުތަކުގެ އިސްވެރިންނާ ބައްދަލުކުރައްވައި، އދ.ގެ ސެކްރެޓަރީ ޖެނެރަލްއާވެސް ބައްދަލުކުރައްވާފައެވެ. އަދި ނިއުޔޯކުގައި ދިރިއުޅޭ ދިވެހިންނާވެސް ބައްދަލުކުރެއްވިއެވެ.
މީގެ އިތުރުން ރައީސް ވަނީ ޕްރިންސްޓަން ޔުނިވަރސިޓީގައި ތަޤުރީރު ކުރައްވައި، ގޫގުލްގެ މައި އޮފީހަށްވެސް ޒިޔާރަތްކުރައްވާފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
