މިކަން ހާމަކުރެއްވީ ރައީސް ޑރ. މުހައްމަދު މުއިއްޒު މި މަހު އިންޑިއާއަށް ރަސްމީ ދަތުރުފުޅެއް ކުރައްވުމާއި ގުޅޭގޮތުން ކުރެއްވި މަޝްވަރާގެ ތެރެއިންނެވެ.
މި ބައްދަލުވުމުގައި ދެ ގައުމުގެ ގުޅުން އިތުރަށް ބަދަހިކުރުމާއި ގުޅޭގޮތުން މަޝްވަރާކުރެވުނު ކަމަށް ފޮރިން މިނިސްޓްރީން ބުނެއވެެ. މިއީ ރައީސްގެ އިންޑިއާ ދަތުރަށް މަގުފަހިކުރުމުގެ ގޮތުން ކުރެވުނު މަސައްކަތެއް ކަމަށް ބެލެވެއެވެ.
ރާއްޖޭގެ މާލީ ހާލަތު ގޯސްވެފައިވާއިރު، އިންޑިއާއަކީ ރާއްޖެއިން ދައްކަންޖެހޭ ދަރަނީގެ އެންމެ ބޮޑު ބައެއް ހިއްސާކުރާ އެއް ގައުމެވެ. މީޑިއާ ރައީސް މުއިއްޒުގެ އިންޑިއާ ދަތުރުގައި އެންމެ މުހިންމު އެއް މަޝްވަރާއަކަށްވާނީ މާލީ އެހީތެރިކަން ހޯދުމެވެ.
ފާއިތުވި މަސްތަކުގައި ދެ ގައުމުގެ ގުޅުމަށް އައި ހީނަރުކަމަށްފަހު، މިހާރު ގުޅުން ރަނގަޅުވަމުންދާކަން ފާހަގަކުރެވެއެވެ. ރައީސް މުއިއްޒުގެ މި ދަތުރަކީ ދެ ގައުމުގެ ގުޅުން އިތުރަށް ހަރުދަނާކޮށް، ރާއްޖޭގެ މާލީ ހާލަތު ރަނގަޅުކުރުމަށް އިންޑިއާގެ އެހީތެރިކަން ހޯދުމަށް ކުރެވޭ މުހިންމު މަސައްކަތެއްގެ ގޮތުގައި ބެލެވެއެވެ.
