މިދިޔަ އޮގަސްޓް މަހުގެ ކުރީކޮޅު ހިނގި މި ހާދިސާއާ ގުޅިގެން އަލީ އަހްމަދު ވަނީ ގާތްގަނޑަކަށް ތިން މަސް ދުވަހު ބަންދުގައި ބަހައްޓާފައެވެ.
ކޯޓުން މިހާރު ނިންމާފައިވަނީ އަލީ އަހްމަދު މިވަގުތު ބަންދުގައި ބަހައްޓަން ޖެހޭ ހާލަތެއް ނެތް ކަމަށެވެ. ނަމަވެސް ކުރިން ނެރެފައިވާ ބަންދު އަމުރުގައި ބަޔާންކޮށްފައިވާ ގޮތުގައި އަލީ އަހްމަދަކީ ބިރުދެއްކުމުގެ ރެކޯޑް އޮންނަ މީހެކެވެ.
މި ފަހަރު ސްކޫލަށް ވަދެ ހިންގި ޢަމަލަކީ ސްކޫލު ކުދިންގެ މެދުގައި ބިރުވެރިކަން އުފެދޭނެ ކަމެއް ކަމަށްވެސް ކޯޓުން ފާހަގަކޮށްފައިވެއެވެ. މި މައްސަލައިގައި އަލީ އަހްމަދު ވަނީ ސްކޫލަށް ވަދެ އަޑުގަދަކޮށް ބައެއް ޓީޗަރުންނަށް ބިރުދައްކާފައެވެ.
ނަމަވެސް އެއްވެސް މީހެއްގެ ގައިގައި އަތްލާފައި ނުވާކަން ކޯޓު އަމުރުގައި ބަޔާންކޮށްފައިވެއެވެ. މި ހާދިސާއާ ގުޅިގެން އަލީ އަހްމަދުގެ ބަންދުގެ މުއްދަތު ތިން ފަހަރެއްގެ މަތިން އިތުރުކުރެވުނެވެ.
