ބޮއްސުންލާފައިވާ އެފްއޭއެމްގެ ޖީއެސްގެ މަސައްކަތް މި ވަގުތު، ވަގުތީ ގޮތުން ކުރަމުންދަނީ އެ އިދާރާގެ ކުރީގެ ރައީސް ބައްސާމްގެ އެކްސްކޯއިން އައްޔަންކޮށްފައިވާ މުހައްމަދު ޖައުޝަން ޝަރީފް (ޖައު) އެވެ. ޖައު މިވަގުތު އެ މަސައްކަތް ކުރަމުންދަނީ ވޮލަންޓަރިލީ، ނޯމަލައިޒޭޝަން ކޮމިޓީގެ އެދުމުގެ މަތިންނެވެ.
ޖީއެސްގެ ޒިންމާއަކީ އެސޯސިއޭޝަން ދުވަހުން ދުވަހަށް ހިންގުމުގެ މަސައްކަތްތަކެވެ. ގިނަ ބަޔަކު އަންނަނީ ބައްސާމް އަޑިގަނޑަކަށް ވައްޓާލާފައި އޮތް އެ އެސޯސިއޭޝަން އަލުން ކޮޅަށް ނަގަން ހަވާލުވި ނޯމަލައިޒޭޝަން ކޮމިޓީން ވަގުތީ ގޮތުން ނަމަވެސް ބައްސާމްއަށް ވަފާތެރި ޖީއެސްއެއް ހުރުމުން އެކަމަށް ފާޑު ކިޔަމުންނެވެ.
ރިޕޯޓްތައް ބުނާ ގޮތުން ނޯމަލައިޒޭޝަން ކޮމިޓީން އަންނަނީ ފީފާގެ ލަފާގެ މަތިން، އާއްމުކޮށް ހުޅުވާލައިގެން ޖެނެރަލް ސެކްރެޓަރީއަކު ހޯދުމުގެ މަސައްކަތް ކުރަމުންނެވެ.
ބައްސާމުގެ ދައުރުގައި އެފްއޭއެމްގެ ޖެނެރަލް ސެކްރެޓަރީކަން އެންމެ ގިނަ ދުވަހު ފުރުއްވީ ހުސެއިން ޖަވާޒެވެ. ޖަވާ ވަނީ މިދިޔަ އަހަރުގެ ނޮވެމްބަރު އިސްތިއުފާ ދެއްވައިފަ އެވެ. އޭނާ މިވަގުތު ހުންނެވީ ޔޫތު މިނިސްޓަރުގެ ނާއިބަކަށެވެ.
