ހެލްތް އެޗީވްމަންޓް އެވޯޑަކީ ގައުމުތަކުން ކުޑަކުދީންގެ ސިއްހަތު ރަނގަޅުކުރުމަށށް ކުރާ މަސައްކަތްތަކާއި އާންމު ސިއްހަތުގެ ރައްކާތެރިކަމަށް ކުރާ މަސައްކަތްތައް ފާހަގަކޮށްދޭ އެވޯޑްއެކެވެ.
ދެކުނު އިރުމަތީ އޭޝިއާގެ ގައުމުތަކުން ހެލެތް އެޗީވްމަންޓް ރާއްޖެއަށް އެވޯޑް ލިބުނީ ކުޑަކުދިންގެ ތެރޭގައި ހެޕަޓައިޓިސް ބީ ފެތުރޭ މިންވަރު ކޮންޓްރޯލް ކުރުމާއި، ފަސް އަހަރުން ދަށުގެ ކުދިން މަރުވާ ނިސްބަތް މަދުކުރެވިފައިވާތީ މި ދެ ދާއިރާއިންނެވެ.
މި އެވޯޑް ދީފައިވަނީ މިހާރު އިންޑިއާގެ ނިއުދިއްލީގައި ކުރިޔަށްދާ ޑަބްލިއުއެޗްއޯގެ ދެކުނު އިރުމަތީ އޭޝިއާ ސަރަޙައްދުގެ 77 ވަނަ ރީޖަނަލް ކޮމެޓީ ބައްދަލުވުމުގެ ތެރެއިންނެވެ. އާންމު ސިއްހަތުގެ ދާއިރާއިން ހިދުމަތްކޮށްދީފައިވާ ގައުމުތަކަށް މި ބައްދަލުވުމުގެ ތެރެއިން ކޮންމެ އަހަރަކުވެސް އަންނަނީ އެވޯޑް ދެމުންނެވެ.
ކުޑަކުދިންގެ ތެރޭގައި ހެޕަޓައިޓިސް ބީ ފެތުރޭ މިންވަރު ކޮންޓްރޯލް ކުރުމާއި، ފަސް އަހަރުން ދަށުގެ ކުދިން މަރުވާ ނިސްބަތް މަދުކުރެވިފައިވާތީ މި ފަހަރުގެ ހެލްތް އެޗީވްމަންޓް އެވޯޑް ރާއްޖޭގެ އިތުރުން ސްރީލަންކާ، ތައިލެންޑް، އިންޑޮނޭޝިއާގެ އިތުރުން ކޮރެއާވެސް ވަނީ ލިބިފައެވެ.
ހެޕަޓައިޓިސް ބީ ކޮންޓްރޯލް ކުރެވިފައިވާ ގައުމެއްގެ ގޮތުގައި ދުނިޔޭގެ ސިއްޙަތު ޖަމިއްޔާއިން ރާއްޖެ ކަނޑައެޅީ މިދިޔަ ޖެނުއަރީ 17ގައެވެ.
