އެޕާޓިން ބުނީ ރާއްޖޭގެ ހުރިހާ ކަންކޮޅުތަކުގައި ކުރިޔަށް ގެންދަން ނިންމާފައިވާ މި ސިލްސިލާގެ ފުރަތަމަ ކޮންފަރެންސް އޮންނާނީ ކުޅުދުއްފުށީ ސިޓީގައިކަމަށެވެ.
އަންނަ މަހުގެ 12 ވަނަދުވަހު ކުޅުދުއްފުށީ ސިޓީގައި ބާއްވާ މި ކޮންފަރެންސްގައި ރާއްޖޭގެ އެންމެ އުތުރުން ހއ. ހދ. އަދި ށ އަތޮޅުގެ ރަށްތަކަށް ނިސްބަތްވާ އެމްޑީޕީގެ ކައުންސިލަރުންނާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ މެންބަރުން ބައިވެރިވާނެކަމަށް އެޕާޓީން ބުނެއެވެ.
އެމްޑީޕީން ބުނީ އަންނަ އަހަރުގެ ނިޔަލަށް ރާއްޖޭގެ ހުރިހާ ކަންކޮޅުތަކެއްގައި މިފަދަ ކޮންފަރެންސްތައް ކުރިއަށް ގެންދާން ނިންމާފައިވާކަމަށެވެ.
ކުޅުދުއްފުށީ ސިޓީގައި ބާއްވާ މި ކޮންފަރެންސްގައި ކުރީގެ ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު ބައިވެރިވެވަޑައިގަންނަވާނެކަމަށް އެމްޑީޕީން ބުނެއެވެ.
އެމްޑީޕީން ބުނީ މި ކޮންފަރެންސްތަކުގެ ބޭނުމަކީ ޕާޓީގެ ލީޑާޝިޕާއި ކައުންސިލުތަކާއި ޑަބްލިއުޑީސީތަކުގެ މެދުގައި ގުޅުން ވަރުގަދަކޮށް އެކުގައި މަސައްކަތް ކުރުމުންކަމަށެވެ.
