ހަރިކޭން މިލްޓަން
ހަރިކޭން މިލްޓަން: ސަތޭކަ އަހަރު ތެރޭގައި އަރާ އެންމެ ބޮޑު ތޫފާނު
އައިޝަތު ނޫރާ
09 އޮކްޓޯބަރ 2024 - 16:37:58
ފްލޮރިޑާގެ އާބާދީ ބޮޑު ސަރަހައްދުތަކަށް ހަރިކޭން މިލްޓަން އަރާނެކަމަށް ލަފާކުރެވޭ ވަގުތު ގާތްވަމުން އަންނަނިކޮށް، މިއީ ފާއިތުވި ސަތޭކަ އަހަރުގެ ތެރޭގައި އެ ސަރަހައްދަށް އަރާ އެންމެ ވަރުގަދަ ތޫފާނަށް ވެދާނެކަމަށް އެމެރިކާހެ ރައީސް ޖޯ ބައިޑެން ވިދާޅުވެއްޖެއެވެ.
Advertisement
މިއީ ހަރިކޭން ކެޓަގަރީ 5 ގެ ތޫފާނެއްކަމަށް ކަމަށްވާއިރު، ގަޑިއަކު 165 މޭލުގެ ބާރުމިނުގައި ވައި ޖެހޭނެކަމަށް ބެލެވެއެވެ.
"ހަރިކޭން މިލްޓަން" އަރާނެކަމަށް ލަފާކުރެވެނީ މިއަދުގެ ވަގުތެއްގައި އެމެރިކާގެ ފްލޮރިޑާއަށެވެ. މިއީ ދެ ހަފްތާއެއްހާ ދުވަސްކުރިން ހަރިކޭން ހެލީންއިން ފްލޮރިޑާއަށް ލިބުނު ގެއްލުންތަކުން އަދިވެސް އަރައިނުގަނެވި ތިއްބާ ކުރިމަތިވާ އިތުރު ނުރައްކަލެކެވެ. މިކަމާ ގުޅިގެން ފްލޮރިޑާގެ ގަވަރނަރު ރޮން ޑިސެންޓިސް ވަނީ ގިނަ އަދަދެއްގެ ހިޔާވަހިކަން ފޯރުކޮށްދޭ މަރުކަޒުތައް ތައްޔާރުކޮށްފައިވާ ކަމަށް ވިދާޅުވެފައެވެ.
ރައީސް ބައިޑެން ވަނީ ފްލޮރިޑާގެ ރައްޔިތުންނަށް "މިހާރުން މިހާރަށް ފިލުމަށް" އިންޒާރު ދެއްވާފައެވެ.މިއީ "މަރާއި ދިރުމާ ދެމެދުގެ" މައްސަލައެއް ކަމަށްވެސް ވިދާޅުވިއެވެ.
މި ހަރިކޭނާ ގުޅިގެން ފްލޮރިޑާގެ ގިނަ ސަރަހައްދުތަކުން މީހުން ބަދަލުކުރަމުންދާއިރު، ބައެއް ސަރަހައްދުތަކުގައި ތެލުގެ ދަތިކަން ކުރިމަތިވެފައިވާކަން ފާހަގަކުރެވެއެވެ. އަދި ސްކޫލްތަކާއި ވައިގެ ބަނދަރުތައް ވެސް ވަނީ ބަންދުކޮށްފައެވެ.
50%
ކަމުގޮސްފި
0%
އަޑުއެހިތާ މިހުރީ
17%
ސަތޭކައަކުން ސުމެއް
33%
ވަރަށް ސަލާމް
ކޮމެންޓްސް
