އިސްރާއީލުގެ މި ގަތުލުއާންމުތަކަށް ވާގިވެރިވަނީ އެމެރިކާއާއި ޔޫރަޕްގެ ގައުމުތަކުންނެވެ. މި ގަތުލުއާންމުތައް ހިންގުމަށް ބޭނުންވާ ހަތިޔާރާއި ވަސީލަތްތަކާއި ހިމާޔަތް ވެސް އިސްރާއީލުގެ އިސްވެރިންނަށް ފާޅުގައި ދެނީ އެމެރިކާއާއި ޔޫރަޕްގެ ގައުމުތަކުންނެވެ.
ފާއިތުވި އަހަރެއްހާ ދުވަހުގެ ތެރޭގައި އިޒްރާއީލް ފައުޖުން ވަނީ ހަމާސާއި ހިޒްބުاللهގެ ވެރިންނާއި އިސް ކޮމާންޑަރުންގެ އިތުރުން އީރާނުގެ ބާރުގަދަ އިސްލާމީ އިންގިލާބީ ލަޝްކަރު (އައިއާރްޖީސީ)ގެ އިސް ކޮމާންޑަރުންތަކެއް ވެސް ޝަހީދު ކޮށްލާފަ އެވެ.
އެކަމުގެ ބަދަލުހިފުމުގެ ގޮތުން އައިއާރްޖީސީން މި މަހު 1ވަނަ ދުވަހު އިޒްރޭލު ފައުޖުގެ އަމާޒުތަކަށް ވަރުގަދަ ހަމަލާތަކެއް ދިނެވެ. 180އެއްހާ ބެލިސްޓިކް މިސައިލް ބޭނުން ކޮށްގެން ދިން ހަމަލާތަކުގައި އިޒްރޭލުގެ ރަށްތަކަށް ބޮޑެތި ގެއްލުންތަކެއް ލިބުނު މަންޒަރު, މީސްމީޑިޔާގައި ޝާއިއު ކޮށްފައިވާ ވީޑިޔޯތަކުން ފެނުނެވެ.
މި ހަމަލާތަކަށް ރައްދުދެމުން ނަތަންޔާހޫ ބުނީ އިޒުރޭލާ ހަނގުރާމަ ކުރަން އިހްތިޔާރުކުރާ ބަޔަކާ ހަނގުރާމަ ކުރުރުމަކީ އިޒުލޭލަށް ނުލާހިކު ފަސޭހަކަމެއް ކަމަށާއި ސުލްހައަށް އެދޭ ނަމަ އެއީ އެންމެ ރަނގަޅު ގޮތް ކަމަށެވެ.
ނަތަންޔާހޫ އިތުރަށް ބުނީ ގާޒާއަށް އެ ހާލަތު ޖެހިފައި އެ އޮތީ ގާޒާގެ ރައްޔިތުންގެ ސަބަބުން ނޫން ކަމަށާއި އެއީ ގާޒާގެ ރައްޔިތުންނަށް ބަޔަކު ޖެއްސި ހާލަތެއް ކަމަށްވެސް ނަތަންޔާހޫ ބުންޏެވެ. އަދި ބުނީ ހިޒްބުالله އަކީ މިހާރު ވަރަށް ބޮޑަށް ބަލިކަށިވެފައިވާ ޖަމާއަތެއް ކަމުގައި އެވެ.
މެދުއިރުމަތީގެ ހުރިހާ ސަރަހައްދަކަށް އިޒްރޭލުގެ އަސްކަރިއްޔާގެ ބާރު ފޯރާނެ ކަމަށް އިޒްރޭލުގެ ބޮޑުވަޒީރު ބެންޖަމިން ނަތަންޔާހު އަބަދުވެސް އަންނަނީ ދެމުންނެވެ. ސަބަބަކީ މެދުއިރުމަތީގައި އިސްރާއީލުން ކުރާ ހަނގުރާމައަށް އެމެރިކާއިން ބިލިއަން ޑޮލަރުން ހޭދަކުރުމެވެ. އަދި އިންސާނުން ދިރި ތިއްބައި އަންދައި، ބަޑިބޭސް ޖަހައި ގޮއްވާލުމަކީ ފަލަސްތީންގެ ނިކަމެތިންގެ ލެއިން ދެ އަތް ތަތްތެޅިފައި ތިބި އެމެރިކާ އިޒްރޭލުގެ ސިޔާސީ ވެރިންގެ އާދައެކެވެ.
މާނައަކީ އިސްރާއީލަށް އެމެރިކާއިން ދޭ ޑިޕްލޮމެޓިކް ހިމާޔަތާއި، އަދި މެދުނުކެނޑި ފޮނުވާ ހަތިޔާރުތަކުގެ ސަބަބުން، މެދުއިރުމަތީގައި މީހުން ޝަހީދުވުމާއި ބަނޑަށް ޖެއްސުމުގައި އެމެރިކާގެ ބައިވެރިވުން އޮތް ކަން ޔަގީންވުމެވެ.
އިޒްރޭލް ސިފައިން އެއްގަމު މަގުން ލުބުނާނަށް އަރަމުންދާއިރު އެގައުމުގެ ވެރިރަށާއި އެހެން ސަރަހައްދުތަކަށް އިޒްރޭލުން ދެމުންދާ ބޮމުގެ ހަމަލާތައް ހުއްޓާނުލާ ކުރިއަށް ގެންދެ އެވެ. އަދި އެ ހަމަލާތަކުގައި މަރުވާ މީހުންގެ އަދަދު އިތުރުވެ ހާލުގައި ޖެހޭ މީހުންގެ އަދަދު ވެސް އަންނަނީ އިތުރުވަމުންނެވެ.
ލުބުނާނުގެ ދެކުނުގެ އަވަށެއް ކަމަށްވާ ކްފާރު ރޫމާން އަށް އިސްރާއީލުން ދިން ވައިގެ ހަމަލާއެއް - ފޮޓޯ:އޭޕީ
ހަމަލާތަކުގެ ސަބަބުން ލުބުނާނުގެ ދެކުނުގައި ދިރިއުޅޭ 100،000 އަށް ވުރެ ގިނަ މީހުން އުތުރަށް ދަތުކުރަމުން އަންނަ ކަމަށްވެސް އިންޓަނޭޝަނަލް އޮގަނައިޒޭޝަން ފޯ މައިގްރޭޝަން (އައިއޯއެމް) އިން ބުނެއެވެ.
އިސްރާއީލުގެ އިސްތިއުމާރީ ސިފައިންގެ ހަމަލާތަކުގައި ގެދޮރާއި ހޮސްޕިޓަލްތަކާއި ސްކޫލްތަކާއި އެހެނިހެން މަދަނީ އިމާރާތްތައް ވެސް ވަނީ ގާޒާގައި ސުންނާފަތި ކޮށްލައިފަ އެވެ. ހަނގުރާމައިގެ ސަބަބުން ފެނާއި ކާނާ އަދި ބޭސް ފަރުވާ ފަދަ ޒަރޫރީ ބޭނުންތަކަށް ބޭނުންކުރާނެ ތަކެތި ލިބުމުންވެސް ގާޒާގެ ރައްޔިތުން ވަނީ މަހުރޫމުވެފަ އެވެ. އަދި ގާޒާއަށް ކެނޑިނޭޅި ދެމުންގެންދާ ހަމަލާތަކާއެކު، އދ.ގެ އެހީފޯރުކޮށްދިނުމުގެ މަސައްކަތް ވެސް ވަނީ ގާތްގަޑަކަށް ހުއްޓިފަ އެވެ.
