އ.ދ އެކު ރީފް މަޝްރޫއާ ގުޅޭގޮތުން މިނިސްޓަރު މަޝްވަރާކުރުން
އ.ދ.ގެ އެސިސްޓެންޓް ސެކްރެޓަރީ ޖެނެރަލް އާ އެކު ރީފް މަޝްރޫއު އާ ގުޅޭގޮތުން މަޝްވަރާކޮށްފި
އަލީ މިދުހަތު
09 އޮކްޓޯބަރ 2024 - 23:26:27
ތިމާވެއްޓާ ބެހޭ މިނިސްޓަރު ތޯރިގް އިބްރާހިމް، އ.ދ.ގެ އެސިސްޓެންޓް ސެކްރެޓަރީ ޖެނެރަލް އަދި ޔޫ.އެން.ޑީ.ޕީގެ އޭޝިއާ ޕެސިފިކް ރީޖަނަލް ޑިރެކްޓަރ މިސް ކަންނީ ވިގްނަރާޖާއާ "ރީފް" މަޝްރޫއުއާއި ގުޅޭގޮތުން މަޝްވަރާ ކުރައްވައިފި އެވެ.
Advertisement
މި ބައްދަލުވުމުގައި ދެ ފަރާތުން ވަނީ ދިވެހިރާއްޖޭގެ ތިމާވެށި ރައްކާތެރިކުރުމަށް ކުރެވިދާނެ އިތުރު މަސައްކަތްތަކާއި، މޫސުމަށް އަންނަ ބަދަލުތަކުގެ ސަބަބުން ކުރިމަތިވާ ގޮންޖެހުންތަކަށް ހައްލު ހޯދުމަށް އެޅިދާނެ ފިޔަވަޅުތަކާ ބެހޭގޮތުން ވެސް މަޝްވަރާކުރައްވާފަ އެވެ.
މި މަޝްވަރާތަކަށްފަހު، މިނިސްޓަރު ވިދާޅުވި، ރީފް މަޝްރޫއަކީ ދިވެހިރާއްޖޭގެ ތިމާވެށި ރައްކާތެރިކުރުމަށާއި، މޫސުމަށް އަންނަ ބަދަލުތަކާ ކުރިމަތިލުމަށް ސަރުކާރުން ކުރަމުންދާ މަސައްކަތުގެ ބައެއް ކަމަށެވެ.
"އަޅުގަނޑުމެންގެ އަމާޒަކީ 2030 ވަނަ އަހަރާ ހަމައަށް ދިވެހިރާއްޖޭގައި ބޭނުންކުރާ ހަކަތައިގެ 70 ޕަސެންޓަކީ އިއާދަކުރަނިވި ހަކަތަ ކަމުގައި ހެދުން. ރީފް މަޝްރޫއަކީ މި އަމާޒަށް ވާސިލުވުމަށް އެޅޭ މުހިންމު ފިޔަވަޅެއް," ޔޫ.އެން.ޑީ.ޕީގެ ފަރާތުން 25.5 މިލިއަން ޑޮލަރުގެ އެހީ ފޯރުކޮށްދޭނެ މި މަޝްރޫއާއި ގުޅޭގޮތުން ތޯރިގް ވިދާޅުވި އެވެ.
ރީފް މަޝްރޫއަކީ ފުވައްމުލަކުގައި ތިމާވެއްޓާ ރައްޓެހި ހަކަތަ އުފެއްދުމަށް އަމާޒުކޮށްގެން ކުރިޔަށް ގެންދާ މަޝްރޫއެކެވެ. މި މަޝްރޫއުގެ ދަށުން ފުވައްމުލަކުގައި ދެމެހެއްޓެނިވި ގޮތެއްގައި ހަކަތަ އުފެއްދުމާއި، ހަކަތައިގެ ޚަރަދު ކުޑަކުރުމަށް މަސައްކަތްތަކެއް ކުރިޔަށް ގެންދިއުމަށް ވަނީ ރޭވިފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
