އެމެރިކާއިން ޕޮޗެޓީނިއޯއާއެކު މޮޅުވީ ޕެނަމާ އަތުން ދެ ލަނޑު ސުން ލަނޑުންނެވެ. މިއީ އެންމެ ފަހުގެ ކޮޕާ އެމެރިކާ ފުޓްބޯޅަ މުބާރާތުގެ ގްރޫޕް ސްޓޭޖުގައި ޕެނަމާ އަތުން 2-1 އިން ބަލިވުމުގެ ބަދަލު ހިފުމެވެ.
އެމެރިކާގެ ޓެކްސަސްގައި ހުންނަ ކިއު ޓޫ ސްޓޭޑިއަމްގައި ކުޅުނު މެޗުގައި ދެ ލަނޑުޗެސް ޖެހީ ފަހު ހާފުގައެވެ. ގާތްގަނޑަކަށް 20،239 އެއްހާ މީހުން ކުޅިބަލަން ވަދެ ތިބި މި މެޗުގައި އެމެރިކާ އިން ލީޑްނެގީ ދެވަނަ ހާފުގެ ކުޅުންފެށިތާ ހަތަރުވަނަ މިނެޓުގައި ޔޫނުސް މުސާ ވައްދާލި ލަނޑުންނެވެ. މިއީ ގައުމީ ޓީމަށް އޭނާ ޖަހައިދިން ފުރަތަމަ ގޯލެވެ. މި މެޗުގައި އެމެރިކާ އިން ޖެހި ދެވަނަ ލަނޑު، އިތުރުވަގުތުގެ ތެރޭގައި ކާމިޔާބުކޮށްދިނީ ފަހު ހާފުގައި ކުޅެން ނިކުތް ފޯވާޑް، ރިކާޑޮ ޕެޕީ އެވެ.
ޕޮޗެޓީނޯ އާއެކު އެމެރިކާ ދެން ނިކުންނާނީ ވާދަވެރި މެކްސިކޯއާ ދެކޮޅަށެވެ. މި މެޗު ކުޅުމަށް ހަމަޖެހިފައިވަނީ މި މަހުގެ 16 ވާ ބުދަ ދުވަހުއެވެ.
