އެމެރިކާގެ ރިޔާސީ އިންތިހާބުގައި ރިޕަބްލިކަން ޕާޓީގެ ފަރާތުން ވާދަ ކުރައްވާ ޓްރަމްޕް ކެލިފޯނިއާގައި އޮތް ކެމްޕެއިން އެއްވުމެއްގައި އިއްޔެ ވިދާޅުވީ އޭނާގެ ސަރުކާރެއްގައި އެމެރިކާގެ ދުޝްމަނުންނެއް ނުތިބޭނެ ކަމަށާއި އަދި ވެރިކަން ލިބިވަޑައިގެންފި ނަމަ ދުނިޔޭގައި މިހާރު ހިންގަމުންދާ ހަނގުރާމަތައް ހުއްޓުވާނެ ކަމަށެވެ.
ޓްރަމްޕްގެ ވާދަވެރިޔާ، ޑިމޮކްރެޓިކް ކެންޑިޑޭޓް އަދި ރައީސް ޖޯ ބައިޑެން އާއި ނާއިބު ރައީސް ކަމަލާ ހެރިސް އަށް ރައްދު ދެއްވަމުން އޭނާ ވިދާޅުވީ ކަމަލާއަށް ވެރިކަން ލިބިއްޖެ ނަމަ ފިޔަވާރިވެރިން އެމެރިކާ ދޫކޮށް ދާނެ ކަމަށް ވެސް ޓްރަމްޕް ވިދާޅުވި އެވެ.
ޓްރަމްޕް އިތުރަށް ބުނީ އެއްވެސް ޔަހޫދީ މީހަކު ބައިޑެން ދެއްކި މީހަކަށް ދެން ވޯޓު ދީފިނަމަ، އެމީހަކު ފަހުން އަމިއްލަ ނަފްސާއި މެދު ލަދުގަންނަން ޖެހޭނެ ކަމަށެވެ. އަދި ދުނިޔޭގެ ކޮންޓްރޯލް އަލުން އެމެރިކާއިން ހޯދާ ވާދަވެރިންނާއި ދުޝްމަނުން އޭނާގެ ވެރިކަމެއްގައި ބަލިކުރައްވާނެ ކަމަށެވެ
އަންނަ މަހު ފަސް ވަނަ ދުވަހު ބާއްވާ އިންތިހާބުގައި 78 އަހަރުގެ ޓްރަމްޕް އަނެއްކާވެސް ރައީސް ކަމަށް އިންތިހާބުވެއްޖެނަމަ ޓްރަމްޕް ވެގެންދާނީ އެމެރިކާގެ ތާރީހުގައި ވެސް ދެވަނަ ދައުރެއް ނިންމާލާ އެންމެ ދުވަސްވީ ބޭފުޅާއަށެވެ.
ހިޔާލު ހޯދުމުގެ ޕޯލްތަކުން ކުރީގައި އުޅުއްވަނީ ކަމަލާ ހެރިސް އެވެ. ނަމަވެސް ފަރަގު ކުޑަ އެވެ.
