އިލެކްޝަންސް ކޮމިޝަނަށް އާ މެމްބަރަކު މި އައްޔަން ކުރަނީ އެ ކޮމިޝަންގެ ރައީސް ފުއާދު ތައުފީގުގެ ދައުރު ހަމަވާތީ އެވެ. ފުއާދުގެ ދައުރު ހަމަވާތީ ކޮމިޝަން މެމްބަރުކަމަށް ކުރިމަތިލުމަށް ރައީސް އޮފީހުން މިދިޔަ މަހުގެ 12 ވަނަ ދުވަހު ފުރުސަތު ހުޅުވާލި އެވެ.
ކޮމިޝަނަށް އައްޔަން ކުރެއްވަން ފޮނުވި ހަސީބު ވަނީ އިސްލާމިކް މިނިސްޓްރީގްގެ ޕާމަނަންޓް ސެކްރެޓަރީގެ މަގާމު ފުރުއްވާފަ އެވެ. އެހެން ނަމަވެސް ސުލޫކީ މައްސަލަތަކެއް ހުރިކަމަށް ބުނެ 2021 ވަނަ އަހަރުގެ ފަހު ކޮޅު އޭނާ ވަނީ އެ މަގާމުން ވަކިކޮށްފަ އެވެ.
އިލެކްޝަންސް ކޮމިޝަނުގެ މެމްބަރެއްގެ ދައުރަކީ ފަސް އަހަރެވެ. އެ ކޮމިޝަނުގެ މެމްބަރު ކަމަށް ފުއާދު އައްޔަނު ކުރީ ނޮވެމްބަރު 24، 2019 ގައެވެ. 2008 ވަނަ އަހަރު އެންމެ ފުރަތަމަ މަލްޓި ޕާޓީ ރިޔާސީ އިންތިހާބު ބޭއްވިއިރު ވެސް ފުއާދަކީ އިލްޝަަންސް ކޮމިޝަނުގެ މެމްބަރެކެވެ.
ފުއާދުގެ އިތުރުން ދެން ކޮމިޝަންގައި ތިއްބަ ވަނީ ޑރ. މުހައްމަދު ޒާހިރާއި އަލީ ނަޝާތާއި މުހައްމަދު އާސިފް އަދި ހަސަން ޒަކަރިއްޔާ އެވެ.
