ލަގެޖު އުފުލާ އެއާޕޯޓު ވެހިކަލެއް ދުއްވާފައި ދަނިކޮށް ލައިޓް އާއި ކެމެރާ ހަރުކޮށްފައި ހުރި ބުޑުގަނޑެއްގައި ޖެހިފައިވާއިރު ދުއްވަން އިން ޑްރައިވަރު މީހާ ކްލިނިކް އަށް ގެންގޮސް އަދި މިހާރު އައިޖީއެމްއެޗްއަށް ގެންގޮސްފައިވާކަމަށް ފުލުހުންނަށް ރިޕޯޓްކޮށްފައިވަނީ މިއަދު ހެދުނު 9:28 ހާއިރުކަމަށް އެ ފަރާތުން ބުނެއެވެ.
ފުލުހުން ބުނީ ޑަރައިވަރު މީހާ ކްލިނިކް އަށް ގެންދިޔައިރުވެސް ނިޔާވެފައިވާކަމަށް މައުލޫމާތު ލިބިފައިވާކަމަށެވެ. އަދި އައިޖީއެމްއެޗްއަށް ގެންގޮސްއިތުރަށް ބަލާ ބޭރުފުށަށްވެސް އެއްވެސް އަނިޔާއެއް ފެންނަށް ނެތްކަމަށް ހޮސްޕިޓަލް އިން ފުލުހުންނަށް މައުލޫމާތު ދީފައިވާކަމަށް ފުލުހުން ބުނެއެވެ.
މީގެ އިތުރުން މި ހާދިސާގައި ނިޔާވި ޑްރައިވަރަކީ 45 އަހަރުގެ ދިވެހި ފިރިހެނެއްކަމަށް ފުލުހުން ބުނެއެވެ.
ފުލުހުން މައުލޫމާތު ދޭގޮތުގައި ވެހިކަލް ޖެހުނު ލައިޓްއާއި ކެމެރާ ހަރުކޮށްފައި ހުރި އެ ސްޓްރަކްޗާއަކި އެއާޕޯޓް އޭޕްރޮން ސަރަހައްދުގައި ހުރި ސްޓްރަކްޗާއެއް ކަމަށެވެ.
މިހާދަިސާއާ ގުޅިގެން ބަލަން ޖެހޭ އިތުރުކަންކަން ބަލާ ތަހުގީގުކުރަމުން ދާކަމަށް ފުލުހުން ބުނެއެވެ.
