އެޓާނީ ޖެނެރަލް އަހުމަދު އުޝާމް- ފޮޓޯ: ރައީސް އޮފީސް
ވޭޕް ބޭނުންކޮށްފި މީހަކު 5،000ރ. އިން ޖޫރިމަނާ ކުރަނީ
މުހައްމަދު އާދަމް އަހްމަދު
15 އޮކްޓޯބަރ 2024 - 13:09:42
ރާއްޖެއަށް ވޭޕްކުރަން ބޭނުންކުރާ ތަކެތި އެތެރެކުރުމާއި އެތަކެތި ބޭނުންކުރުން މަނާކުރާ ފަހުން އެ ތަކެތި ގެނެސް ވިއްކާ މީހުންނާއި ބޭނުންކުރާ މީހުނަށް ޖޫރިމަނާގެ އަދަބެއް ދެވޭ ގޮތަށް ގާނޫނު ބަދަލުކުރަން ބިލު ޑްރާފްޓްކޮށްފިއެވެ.
Advertisement
ރާއްޖެއަށް ވޭޕްކުރުމަށް ބޭނުންކުރާ ތަކެއްޗާއި އެ ތަކެތީގެ ވަކިވަކި ބައިތައް ރާއްޖެއަށް އެތެރުކުރުން އަންނަ މަހުގެ 15 ދުވަހުން ފެށިގެން މަނާކުރަން ރައީސް ޑރ. މުއިއްޒު ވަނީ ނިންމަވާފައެވެ. އަދި ވޭޕް ރާއްޖޭގައި ބޭނުންކުރުން ޑިސެމްބަރު 15 އިން ފެށިގެން މަނާކުރަންވެސް ރައީސް ވަނީ ނިންމަވާފައެވެ.
ބަންޑާރަ ނައިބުގެ އޮފީހުން ނިންމާފައިވަނީ ދުންފަތް ކޮންޓްރޯލް ކުރުމާ ބެހޭ ގާނޫނަށް އިސްލާހު ގެންނަންށެެވެ. މި ގާނޫނަށް ގެންނަން ފެންނަ އިސްލާހުތައް އޭޖީ އޮފީހުން ވަނީ ޑްރާފްޓްކޮށްފައެވެ.
ބިލުގައި ހިމަނާފައިވާ ކަންކަން
- ވޭޕް ބޭނުންކޮށްފި މީހަކު 5،000 ރުފިޔާއިން އިން ޖޫރިމަނާ ކުރުން
- ވޭޕް ވިއްކައިފި މީހަކު ނުވަތަ ހިލޭ ބަހައިފި މީހަކު، އެ ވިއްކި ނުވަތަ ހިލޭ ބެހި ކޮންމެ ސްޓިކެއް ނުވަތަ އައިޓަމަކަށް 20،000ރ ރުފިޔާއިން އިިން ޖޫރިމަނާ ކުރުން
- ވޭޕް އަދި ވޭޕްކުރުމަށް ބޭނުންކުރާ އާލާތްތަކާއި އޭގެ ބައިބައި ކުޑަކުދިންނަށް ވިއްކި ނުވަތަ ދިން މީހަކު 50،000 ރުފިޔާ ޖޫރިމަނާ ކުރުން
ވޭފް އެތެރެކުރުމާއި ބޭނުންކުރުން ރާއްޖޭގައި މަނާކުރަން ރައީސް ނިންމެވުމުން އެކަމަށް ބޭނުންވާ އިސްލާހުތައް މި ހަފްތާގައި މަޖިލީހަށް ހުށައަޅާނެކަމަށް ބަންޑާރަ ނައިބު އަހްމަދު އުޝާމް ރޭ ވިދާޅުވިއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
