ތެލެސީމިއާ ހޮސްޕިޓަލް އަޅަން ހަވާލުކުރީ މެޑޯ އޭޝިއާ ކުންފުންޏާއި ޗިން ހިން ގްރޫޕް ބަރްހާދްއާ އެވެ.
މި ހޮސްޕިޓާ އެޅުމުގެ އެއްބަސްވުމުގައި ރާއްޖޭގެ ފަރާތުން ސޮއިކުރީ ހެލްތް މިނިސްޓަރު އަބްދުﷲ ނާޒިމް އިބްރާހިމްއެވެ. މެޑޯ އޭޝިއާ ކުންފުނީގެ ފަރާތުން އެ ކުންފުނީގެ ސީއީއޯ އަދި އެމްޑީ ސްޓުއާޓް ޖޭ ވެނާ ޕެކް ސޮއި ކުރެއްވިއިރު، ޗިން ހިން ގްރޫޕްގެ ފަރާތުން ސޮއިކުރެއްވީ ގުރޫޕް ސީއީއޯ ރޮޖާ ލިން އެވެ.
މި ހޮސްޕިޓަލް ހިންގާ ބަލަހައްޓަން ހަމަޖެހިފައިވާ މެލޭޝިޔާގެ މެޑޯ އޭޝިއާ ކުންފުނިންނެވެ. އަދި ބައިނަލްއަޤްވާމީ މިންގަނޑުތަކާ އެއްގޮތަށް ހޮސްޕިޓަލު އިމާރާތްކުރުމަށް މާލީ އަދި ފަންނީ އެހީތެރިކަން ފޯރުކޮށްދޭނީ ސައިނޯމާ އިންޖީނިއަރިން އިންޑަސްޓްރީޒްއިންނެވެ.
ހުޅުމާލޭގައި ހަދާ ތެލެސީމިއާ ހޮސްޕިޓަލްގެ ކުރެހުމެއް
އެއްބަސްވުމުގައި ސޮއިކުރުމުގެ ރަސްމިއްޔާތުގައި ހޮސްޕިޓަލްގެ ކުރެހުމެއް ވަނީ ދައްކާލައިފައެވެ. އެ ކުރެހުމުގައިވާ ގޮތުން މީ ތިން ބުރީގެ ހޮސްޕިޓަލެކެވެ. މިތަނުގައި ލެބޯޓަރީ އާއި ބްލަޑް ޓްރާންސްފިއުޝަން ޔުނިޓަކާއި ބްލަޑް އަދި އޯގަން ޓްރާންސްޕްލާންޓް ޔުނިޓެއްގެ ގޮތުން ރޭޑިއޮލޮޖީ ޑިޕާޓްމެންޓެއް ހުންނާނެއެވެ. މީގެއިތުރުން އިމަޖެންސީ ރޫމާއި ކެންޓީނެއްގެ އިތުރުން ކުޑަކުދިންގެ ކުޅޭ ސަަރަހައްދެއްވެސް މި ހޮސްޕިޓަލުގައި ހުންނާނެއެވެ.
ތެލެސީމިއާ ހޮސްޕިޓަލް އެޅުމަށް ހުޅުމާލެ ދެވަނަ ފިޔަވަހިން 72،000 އަކަފޫޓުގެ ބިމެއް ސަރުކާރުން ވަނީ ހަމަޖައްސާފައެވެ.
ތެލެސީމިޔާ ހޮސްޕިޓަލެއް އެޅުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ.
