ހިޒުބުﷲ އިން ދިން މި ހަމަލާގައި 4 މީހަކު ޒަހަމްވެފައިވާ ކަމަށް ރިޕޯޓުތައް ބުނެއެވެ. މި ހަމަލާތައް މިއަދު ދިންއިރު ނަތަންޔާހޫ އޭނާ ގޭގައި ނޫޅޭކަމަށް އަލްޖަޒީރާއިން ބުނެއެވެ.
މި ހަމަލާއާ ގުޅިގެން، އިޒްރޭލުގެ އުތުރު ސަރަޙައްދުތަކުގައި ސައިރަން އަޅާފައިވެއެވެ. އަދި ގިނަ އަދަދެއްގެ ރަށްތަކުގައި ވައިގެ ދިފާއީ ނިޒާމު އެކްޓިވޭޓް ކުރެވުނެވެ. މީގެ އިތުރުން، ހައިފާ ސިޓީއާއި އޭގެ ވަށައިގެންވާ ސަރަޙައްދުތަކަށްވެސް ރޮކެޓް ހަމަލާ ދީފައިވާ ކަމަށް ވަނީ ރިޕޯޓު ކުރެވިފައެވެ.
ރިޕޯޓުތަކުން ދައްކާ ގޮތުގައި، ފާއިތުވި 24 ގަޑިއިރުގެ ތެރޭގައި ލުބުނާނުން އިޒްރޭލަށް 55 މިސައިލް ހަމަލާ ދީފައިވެއެވެ. މި ހަމަލާތަކުގެ ސަބަބުން އިޒްރޭލުގެ އުތުރު ސަރަޙައްދުތަކުގައި ދިރިއުޅޭ ރައްޔިތުން ވަނީ ބިރުވެރިކަމުގެ ތެރެއަށް ވެއްޓިފައެވެ.
އިޒްރޭލުގެ ސަލާމަތީ ބާރުތަކުން މި ހަމަލާތަކާ ގުޅިގެން އަޅަންޖެހޭ ފިޔަވަޅުތައް އަޅަމުންދާ ކަމަށް ބުނެއެވެ. އަދި ރައްޔިތުންނަށް ރައްކާތެރިކަމުގެ އިރުޝާދުތައް ދެމުންދާ ކަމަށްވެސް އިޒްރޭލުންބުނެއެވެ. މި ހާދިސާއާ ގުޅިގެން ބައިނަލްއަޤްވާމީ މުޖުތަމަޢުގެ ކަންބޮޑުވުން ފާޅުކޮށްފައިވާއިރު، ދެ ޤައުމުގެ ދެމެދުގައި އޮތް ގުޅުން އިތުރަށް ގޯސްވެދާނެ ކަމުގެ ބިރު އަންނަނީ ބޮޑުވަމުންނެވެ.
މިހަމަލާއާއި ގުޅިގެން އިޒްރޭލުގެ ދިފާއީ ބާރާމެދު ވަނީ މިހާރު ސުވާލު އުފެދިފައެވެ. އަދި ހިޒުބުﷲ އިން މި ހަމަލާ ދިނުމުގެ ކުރިން ޑްރޯންތައް ނަތަންޔާހޫ ދިރިއުޅޭ ގެ މަތިން ދާ މަންޒަރުވެސް ސޯސަލް މީޑިއާގައި އާންމުކުރިއެވެ.
