މަޝްހޫރު މީޑިއާ ރިޕޯޓުތަކުން ހާމަކުރާ ގޮތުގައި، ސަލްމާން ހާން ގަންނަން ނިންމާފައިވަނީ ނިސާން ޕެޓްރޯލް އެސްޔޫވީއެކެވެ. މި ކާރުގެ އަގަކީ 2 މިލިއަން ރުފިޔާ (ގާތްގަނޑަކަށް 2 ކްރޯރު އިންޑިއަން ރުފިޔާ) އެވެ. މުންބާއީ މާކެޓުގައި މި ކާރު ނުލިބޭތީ، ދުބާއިން އިމްޕޯޓްކުރުމަށް ސަލްމާން ހާން ވަނީ ނިންމާފައެވެ. މި ކާރު އިމްޕޯޓްކުރުމަށް އިތުރު ބޮޑު އަދަދެއްގެ ފައިސާ ހަރަދުކުރަން ޖެހޭނެ ކަމަށްވެސް ރިޕޯޓުތަކުގައި ބުނެއެވެ.
ސަލްމާން ހާންއަށް މަރުގެ އިންޒާރު ދެމުން އަންނަނީ ގޭންގްސްޓަރު ލޯރެންސް ބިޝްނޯއީއެވެ. މީގެ އިތުރުން، އިއްޔެ ދުވަހު މުންބާއީ ޓްރެފިކް ފުލުހުންނަށް މެސެޖެއް ލިބުނު ކަމަށް ރިޕޯޓުތަކުގައި ބުނެއެވެ. މި މެސެޖުގައި ބުނެފައިވަނީ "ދުޝްމަނުކަން ނިމުމަކަށް ގެނައުމަށް" ސަލްމާން ހާން 5 ކްރޯރު ރުޕީޒް ދައްކަން ޖެހޭނެ ކަމަށެވެ.
މި ހާލަތާ ގުޅިގެން ސަލްމާން ހާންގެ ސެކިއުރިޓީ ވަނީ ވަރަށް ބޮޑަށް ހަރުދަނާކޮށްފައެވެ. އޭނާގެ ގާތް މަސްދަރެއް ބުނާ ގޮތުގައި، ކުރިން ވެސް ސަލްމާން ހާންގެ ސެކިއުރިޓީ ބަލަހައްޓަމުން އައި ނަމަވެސް، ފަހަކަށް އައިސް އިތުރު 8-10 މީހުން ވަނީ އޭނާގެ ސެކިއުރިޓީއަށް އިތުރުކޮށްފައެވެ. އަދި އޭނާ އެއްވެސް ތަނަކަށް ދިއުމުގެ ކުރިން، އެ ތަނެއް ޗެކްކޮށް ހަދައެވެ.
މި ހުރިހާ ކަމެއްގެ ތެރޭގައި ވެސް ސަލްމާން ހާން ވަނީ އޭނާގެ މަސައްކަތްތައް ފަށާފައެވެ. އޭނާ ވަނީ ބިގް ބޮސް 18 ގެ "ވީކެންޑް ކާ ވާރު" އެޕިސޯޑް ޝޫޓްކޮށްފައެވެ. މީގެ އިތުރުން، އޭނާގެ އަންނަން އޮތް ފިލްމު "ސިކަންދަރު" ގެ ޝޫޓިން އަލުން ފެށުމަށް ވެސް އަންނަނީ ތައްޔާރުވަމުންނެވެ.
