އެމްޓީސީސީން ކުނި ނެގުމުގެ މި ކާމިޔާބު ހަރަކާތް ހިންގާފައިވަނީ އެ ކުންފުނިން ހުކުރު ހުޅުމާލޭ ފޭސް 2ގައި ބޭއްވި ސުޒުކީ ބީޗް ކްލީން އަޕް އިވެންޓް ގައި ކަމަށް ބުނެއެވެ.
އެ ހަރަކާތުގެ ތެރެއިން އެމްޓީސީސީގެ މުވައްޒަފުން ނިކުމެ ޖުމްލަ 426 ކިލޯގެ ކުނި ނަގާފައިވާކަމަށް އެ ކުންފުނިން މައުލޫމާތުދެއެވެ. އަދި އެ ހަރަކާތުގެ އަމާޒަކީ ގޮނޑުދޮށްތަކާއި ތިމާވެށި ސާފުތާހިރުކޮށް ބެހެއްޓުމަށް ކަަމަށް އެމްޓީސީސީން ބުނެއެވެ.
އެ ހަރަކާތުގައި އެންޖީއޯ ސޭވް ދަ ބީޗް އާއި ހުޅުމާލެ މަސްވެރިންގޭ ޖަމިއްޔާގެ އަގުހުރި އެއްބާރުލުމާއި، އެޗްޑީސީ އާއި ވަމްކޯއިން ދެއްވި އެއްބާރުލުމަށްޓަކައި އެމްޓީސީސީން ވަނީ ޝުކުރު އަދާކޮށްފައެވެ.
ހުކުރު ދުވަހު ކުރިއަށް ގެންދިޔަ ކުނިނެގުމުގެ ހަރަކާތުގައި އެމްޓީސީސީގެ މެނޭޖިން ޑިރެކްޓަރު އަހުމަދު ސައުދީއާއި އާއި ޑެޕިއުޓީ މެނޭޖިން ޑިރެްކޓަރު ވެސް ވަނި ބައިވެރިވަޑައިގެންފައެވެ.
ކޮމިއުނިޓީތަކަށް އެހީތެރިވެދީ ރަނގަޅު މާދަމާއެއް ކަށަވަރުކުރުމުގެ ދަތުރު ކުރިއަށް ގެންދާއިރު ސާފުތާހިރު އަދި ފެހި މާހައުލަކަށް ވަކާލާތު ކުރަމުން އެމްޓީސީސީން ގެންދާނެ ކަމަަށް އެކުންފުނިން ބުނެއެވެ.
