މިއަދު ނޭޝަނަލް ޑްރަގް އެޖެންސީއިން އިސްކަންދަރު ކޮށީގައި ބޭއްވި ނޫސްވެރިންގެ ބައްދަލުވުމުގައި ޑްރަގް އެންފޯސްމަންޓްގެ ހެޑު ނާހިދު ހުސެއިން ވިދާޅުވީ މީގެ މަސްތުވާތަކެއްޗާ ބެހޭ ގާނޫނުގެ 103 ވަަނަ މާއްދާއަކީ އެއްވެސް އިރެއްގައި ބޭނުން ކުރެވިފައި އިން މާއްދާއެއް ނޫން ކަަމަށާއި އެހެންނަމަވެސް މިހާރު ފެށި މަސައްކަތުގެ ތެރެއިން 103 ވަނަ މާއްދާގެ ދަށުން މަސްތުވާތަކެތި ބޭނުން ކުރާ މީހުން ފަރުވާއަށް ގެންދިއުމަށްޓަކައި ޑިމާންޑް ސެންޓަރަށް ގެންދަން ފަށާފައިވާކަމަށެވެ.
ޑްރަގް އެންފޯސްމަންޓް އާއި ނޭޝަނަަލް ޑްރަގް އެޖެންސީއާއި ގުޅިގެން މިހާރު ކުރަމުންދާ މަސައްކަތަކީ މަސްތުވާތަކެތީގެ ތެރޭގައި މީހުން ފަރުވާގެ ނިޒާމުގެ ތެރެއަށް ވެއްދުމަށްޓަކައި މަސްތުވާތަކެއްޗާއި ބެހޭ ގާނޫނުގެ 103 ވަަނަ މާއްދާގެ ދަށުން ބަންދުކޮށްގެން، ޑްރަގް އޮފެންޑާ ޑިމާންޑް ސެންޓަރަށް ގެންދިއުން ކަމުގައި ނާހިދު ވިދާޅުވިއެވެ.
މި މަސްތުވާތަކެއްޗާ ބެހޭ ގާނުނުގެ ދަށުން ބަންދުން ނުވީއްލި މި ފަރާތަތަކުގެ ފަރުވާގެ ކަންކަން ކުރިއަށް ގެންދިއުމަށް ކުރަން ޖެހޭ މަސައްކަަތްތައްް ކަމާ ގުޅުން ހުރި އިދާރާތަަކާ އެކީ ކުރެވެމުން އެބަ ދާ ކަމަށްވެސް ނާހިދު ވިދާޅުވިއެވެ. އަދި މިހާރު ފެށުނު މަސައްކަތުން ކުރިއަށް އޮތްތަނުގައި ރައްޔިތުންނަށް މަގުމަތިން ހެޔޮ ބަދަލުތަކެއް ފެންނާނެ ކަމުގެ ޔަގީންކަންވެސް ނާހީދު ވަނީ ދެއްވާފައެވެ.
