ޓެކްސް ނުދައްކާ ފަރާތްތަކުގެ ބެންކު އެކައުންޓުގައި ހުރި ފައިސާ ހިފެހެއްޓުމާއި، ބެންކު އެކައުންޓު ބެލުމުގައި ޢަމަލުކުރާނެ ގޮތުގެ އުސޫލަށް ބަދަލު ގެނެސް މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ވަނީ އާއްމުކޮށްފައެވެ.
މިރާގެ އާ އުސޫލުގައިވާ ގޮތުން ނޯޓިސްް ފޮނުވުމާއެކު ވަކި ޝަރުތުތަކެއް ހަމަވާ ނަމަ އެކައުންޓް ފްރީޒް ކުރެވިދާނެ އެވެ. ކުރިން އޮންނަ ގޮތުން، އެކައުންޓް ފްރީޒް ކުރެވޭނީ ނޯޓިސް ދިނުމަށް ފަހު 60 ދުވަސް ނުވަތަ ދެ މަސްދުވަހުގެ ތެރޭގައި ފައިސާ ނުދައްކައިފި ނަމައެވެ.
މީރާއަށް ޓެކްސް ދައްކަންޖެހި ނުދައްކައިވާ ފަރާތެއްގެ ބޭންކު އެކައުންޓުގައިވާ ފައިސާ ހިފެހެއްޓޭނީ ، އެ ފަރާތަކަށް ދޭންޖެހޭ ނޮޓިސްތައް ފޮނުވައިފައިވުމާއެކު އަންނަނިވި ކަންތައްތައް ފުރިހަމަވާނަމަކަމަށް އެ އުސޫލުގައިވެއެވެ.
- އެ ފައިސާއަކ ޖޫރިމަނާއާއި އިންޓްރެސްޓާ ނުލައި މީރާއިން ކަނޑައަޅާ ތްރެޝް ހޯލްޑަކަށްވުރެ މަތީ އަދަދެއް ކަމުގައިވުން.
- އިންސްޓޯލްމަންޓަށް ބަހައިލައިގެން ފައިސާ ދެއްކުމުގެ އުސޫލުގެ ދަށުން އެއްބަސްވުމެއްގައި ސޮއިކޮށްފައި ނުވުން.
- ދައުލަތުގެ އިދާރާއަކުން ނުވަތަ ދައުލަތުގެ 100އިންސައްތަ ހިއްސާ ނުވަތަ މެޖޯރިޓީ ހިއްސާ އޮންނަ ކުންފުންޏަކުން ލިބެންޖެހޭ ފައިސާއެއް ނުލިބުމާ ގުޅިގެން ނުދެއްކިވާ ފައިސާއެއް ކަމުގައި ނުވުން؛
- ނުދައްކައިވާ ފައިސާއާ އަޅައިކެނޑޭނެ އެއްވެސް އިތުރު ފައިސާއެއް މީރާގެ ރިކޯޑުގައި ނެތުން އެ ފަރާތެއްގެ އެއް އެކައުންޓުން އަނެއް އެކައުންޓަށް ޓްރާންސްފާކުރުމަށް އެދިފައި ނުވުން ނުވަތަ ތިންވަނަ ފަރާތަކުން އިތުރަށް ދައްކައިފައިވާ ފައިސާއަކުން ޓެކްސް ދައްކާ ފަރާތުން ދައްކަންޖެހިފައިވާ ޓެކުހާ އަޅައިކެނޑުމަށް އެދިފައި ނުވުން ހިމެނޭގޮތުން.
މި އުސޫލަށް މިރާއިން ވަނީ އަމަލުކުރަން ފަށާފައެވެ.
