ސޯޝަލް މީޑިއާ އެކްސްގައި ކުރެއްވި ޕޯސްޓެއްގައި ވިދާޅުވީ 19 ވަނަ ރައްޔިތުންގެ މަޖިލީހުގައި މި ވާހަކަތައް ދެއްކެވި ކަމަށާއި، މާލިއްޔަތު ގާނޫނާއި ދައުލަތުގެ ހަރަދަށް ޒިންމާވާ ގާނޫނާ ހިލާފަށް ރައީސް އިބްރާހިމް މުހައްމަދު ސޯލިހުގެ ސަރުކާރުން ކަންކަން ކުރަމުންދިޔަ ކަމަށެވެ. އަދި ހިސާބުތައް ދިމާނުވާ ވާހަކަތައް އޭރު މަޖިލީހުގައި ދެއްކީ ކަންބޮޑުވުމާއެކު ކަމަށް ވެސް ވިދާޅުވިއެވެ.
މި މައްސަލައާ ގުޅިގެން ފިނޭންސް މިނިސްޓަރު މޫސާ ޒަމީރު ވިދާޅުވެފައިވަނީ ފިނޭންސް މިނިސްޓްރީގެ ސިސްޓަމަށް ރެކޯޑު ކުރުމެއް ނެތި ދައުލަތުގެ ބަޖެޓުން ދެ ބިލިއަނަށް ވުރެ ގިނަ ރުފިޔާ ހަރަދު ކޮށްފައިވާ ކަމަށެވެ. އަދި މިކަމުގައި އިހުމާލުވާ މީހުންނަށް ފިޔަވަޅު އެޅުމުގެ މަސައްކަތް ފަށާފައިވާ ކަމަށް ވެސް ޒަމީރު ވިދާޅުވިއެވެ.
އެޓާނީ ޖެނެރަލް އުޝާމް ވެސް ވިދާޅުވެފައިވަނީ ރައީސް އިބްރާހިމްގެ ސަރުކާރުގައި ގާނޫނު އަސާސީގެ 96 ވަނަ މާއްދާއާ ހިލާފަށް ކަންކަން ކޮށްފައި ހުރިކަން ފެންނަން އެބަހުރި ކަމަށެވެ. އަދި މާލިއްޔަތު ގާނޫނާއި މާލިއްޔަތު ގަވާއިދާ ހިލާފަށް އެތައް ކަމެއް ކޮށްފައި ހުރިކަން ފާހަގަވެފައިވާ ކަމަށް ވެސް އުޝާމް ވިދާޅުވިއެވެ.
