މާޗު މަހުގެ ނުވަ ވަނަ ދުވަހުން ފެށިގެން އިޓަލީގައި ފުޓްބޯޅައިގެ ހުރިހާ ހަރާކާތެއް ވަނީ މުއްދަތެއް ނެތް ގޮތަށް މެދު ކަނޑާލާފަ އެވެ. އަދި ހާލަތު ތަން ދޭނަމަ އަންނަ މަހު ފަހުކޮޅު ފުޓްބޯޅަ އަލުން ފެށުމަށް އިޓަލީ ފެޑެރޭޝަނުން އަންނަނީ މަޝްވަރާ ކުރަމުންނެވެ.
ސްކައި ސްޕޯޓްސް އިޓާލިއާއާ ވާހަކަ ދައްކަވަމުން އިޓަލީ ވިލާތުގެ ފުޓްބޯޅަ ފެޑަރޭޝަނުގެ ރައީސް ގެބްރިއަލް ވިދާޅުވީ، ހާލަތު ދަންދިންހާ އަވަހަކަށް ކުޅުން އަލުން ފެށޭނެ ކަމަށެވެ. އަދި އަލުން ފެށުމުގެ ކުރިން ލީގުގައި ހިމެނޭ ހުރިހާ ކުޅުންތެރިން ކޮރޯނާއާ ޓެސްޓްކުރެވޭނެ ކަމަށް އުއްމީދު ކުރައްވާ ކަމަށް އޭނާ ވިދާޅުވި އެވެ.
މުޅި ދުނިޔޭގައި ހަލުއި ކަމާއެކު ފެތުރެމުންދާ ކޮރޯނާ އެންމެ ބޮޑަށް ފެތުރިފައިވާ ގައުމުތަކުގެ ތެރޭގައި އިޓަލީ ހިމެނެ އެވެ. އިޓަލީގައި ދޮޅު ލައްކައަށްވުރެ ގިނަ މީހުންނަށް މި ބަލި ޖެހިފައިވާއިރު އެ ގައުމުން ވިހި ހާހާ ގާތް ކުރާ އަދަދަކަށް މީހުން މަރުވެފައިވެ އެވެ.