މި ވާހަކަ ދެއްކެވީ އެމްޑީޕީގެ ޕާލިމެންޓްރީ ގްރޫޕުން ބޭއްވި ނޫސްވެރިންގެ ބައްދަލުވުމެއްގައި ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމެވެ.
މީކާއިލް ވިދާޅުވީ ޕީއެންސީގެ ލީޑަޝިޕްގައި ތިބި ގިނަ މެންބަރުން ސަރުކާރާއި މަޖިލީހުގެ އިސް މަގާމުތަކުގައި ތިބެ، މި މައްސަލަ ލަސްވެއްޖެ ކަމަށް ބުނެ ރައްޔިތުންނަށް ހަޖޫ ޖަހަމުންދާ ކަމަށެވެ. އޭނާ އިތުރަށް ވިދާޅުވީ ޕީއެންސީގެ ރައީސަކީ މިހާރުގެ ރައީސުލްޖުމްހޫރިއްޔާ ކަމަށާއި، ޗެއާޕާސަނަކީ މަޖިލީހުގެ ރައީސް ކަމަށެވެ. އަދި 241 ކޮމިޓީގެ ޗެއާއަކީ ވެސް ޕީއެންސީގެ މެންބަރެއް ކަމަށް ފާހަގަކުރެއްވިއެވެ.
އެމްޑީޕީން އިލްތިމާސްކުރަނީ ރައްޔިތުންނަށް ހަޖޫ ޖެއްސެވުން ހުއްޓަވައި، ވީހާވެސް އަވަހަކަށް މި މައްސަލަ ނިންމައި ދިނުމަށް ކަމަށް މީކާއިލް ވިދާޅުވިއެވެ. އަދި މައްސަލައާ ގުޅިގެން ސަރުކާރުން އަމަލުކުރަމުންދާ ގޮތާ މެދު ރައްޔިތުން ހޭލުންތެރިވާން ޖެހޭ ކަމަށް ވެސް އޭނާ ވިދާޅުވިއެވެ.
