ދަރަނީގެ ލަފާ ހޯދަން ސެންޓާވިއުއާ އެކު އެއްބަސްވުމެއް ހެދިކަން ދިވެހި ސަރުކާރުން ހާމައެއް ނުކުރެއެވެ، މި އެއްބަސްވުމުގެ ވާހަކަ އާއްމުކުރީ ނިއުސް އެޖެންސީ ރޮއިޓާސްއިންނެވެ. އެ އެޖެންސީ މި އެއްބަސްވުމުގެ ހަބަރު ގެނެސްދިނީ މި މަހުގެ 12 ވަނދުވަހުއެވެ.
އެހެންނަނަމަވެސް ސެންޓާވިއުއާ އެކު ސަރުކާރުން ހެދި އެއްބަސްވުން ސަރުކާރުން މިހާރު ވަނީ ބާތިލުކޮށްފައެވެ. މި އެއްބަސްވުން ބާތިލުކުރި ސަބަބެއް ސާފެއް ނުވެ އެވެ. އެ އެއްބަސްވުން އުވާލީ ދައުލަތުގެ ހަރަދު ކުޑަކުރުމަށް ފިނޭންސް މިނިސްޓަރު މޫސާ ޒަމީރު އަޅުއްވަމުން ގެންދަވާ ފިޔަވަޅުތަކުގެ ދަށުން ކަމަށް ވެސް އެނގިފައިވެ އެވެ.
ސެންޓަވިއުއާ އެކު ދިވަހި ސަރުކާރުން އެއްބަސްވުން ހެދީ މަހަކު 55،000 ޑޮލަރު (848،100ރ.) ދައްކަން ޖެހޭ ގޮތަށެވެ.
ނަޝީދު މިރޭ "އެކްސް"ގައި ކުރެއްވި ޕޯސްޓެއްގައި ވިދާޅުވީ، ދަރަންޏާ ގުޅޭ ގޮތުން ލަފާ ދިނުމަށް ބޮޑު އަގު ދީފައި ކަނޑައެޅި ބޭރުގެ އެޑްވައިޒަރަކާއެކު ކުރިއަށް ނުދާން ނިންމި ނިންމުމަކީ ރައީސް ޑރ. މުހައްމަދު މުއިއްޒު އެޅުއްވި ބުއްދިވެރި ފިޔަވަޅެއް ކަމަށެވެ.
ވޯލްޑް ބޭންކްގެ ތަފާސްހިސާބުތައް ދައްކާ ގޮތުން ރާއްޖޭގެ ދަރަނި ވަނީ 8.2 ބިލިއަން ޑޮލަރަށް ވުރެ މަތިވެފަ އެވެ. އެއީ، ޖީޑީޕީގެ 116 އިންސައްތައެވެ.
ރާއްޖެއިން އެންމެ ބޮޑަށް ދަރާފައިވަނީ އަވައްޓެރި އިންޑިއާއާއި ޗައިނާއަށެވެ.
އޭގެ ފަހުން ވެސް، އިންޑިއާއިން ވަނީ ރާއްޖެއިން ދައްކަން އޮތް 50 މިލިއަން ޑޮލަރުގެ ދެ ޓްރެޝަރީ ބިލަކަށް ފައިސާ ދެއްކުން ފަސްކޮށްދީފަ އެވެ.
