އިއްޔެ ހޯމް މިނިސްޓްރީން ބޭއްވިި ނޫސްވެރިންގެ ބައްދަލުވުމުގައި މިނިސްޓަރު އިހުސާން ވިދާޅުވީ އަންނަ ނޮވެމްބަރު މަހު 1 ގައި އޮޕަރޭޝަން ކުރަނގީގެ ގްރޭޓާ މާލޭ ސަރަހައްދުގެ އޮޕަރޭޝަން ފަށާނެކަަމާށާއި މި އޮޕަރޭޝަންގައި 150 އެއްހާ މުވައްޒަފުން ބައިވެރި ވުމަށް ހަަމަޖެހިފައިވާކަމަށެވެ.
ހޯމް މިނިސްޓްރީގެ އިތުރަށް މިނިސްޓްރީއާ ގުޅިފައިވާ އިދާރާތަކާއި ސަރުކާރުގެ ބައެއް އެސްއޮއީތަކުންވެސް މި އޮޕަރޭޝަންގެ ސަޕޯޓް ހޯދަައިގެން ކުރިއަށް ގެންދިޔުމަށް މަސައްކަތްކުރަމުން ދާކަަމަށް އިހުސާން ވިދާޅުވި އެވެ.
ކުރަނގި އޮޕަރޭޝަން މުޅި ރާއްޖޭގައި ފަށަފައިވާ ކަން ފާހަގަކޮށް އިހުސާން ވިދާޅުވީ ޖުމްލް 82 ރަށެއްގައި މި މަސައްކަތް މިބަގުތު ކުރިއަށްދާ ކަަމަށެވެ. އެގޮތުން އިއްޔެއާ ހަމައަށް 6891 ބިދޭންސީންގެ މައުލޫމާތު އެއްކުރެވިފައިވާ ކަމަށާއި އަމާޒަކީ އަންނަ އަހަރު އޭޕްރީލްގެ ކުރިން އޮޕަރޭޝަންގެ ފުރަތަމަ ފޭސްގެ ހުރިހާ މަސައްކަތެއް ނިންމާލުން ކަމަށް އިހުސާން ވިދާޅުވި އެވެ.
އަދި މިހާރު މަސައްކަތްދާ ބާރު މިނަށް ބަަލައިފިނަމަ ގަބޫލުކުރަނީ އަންނަ އަހަރު ޖެނުއަރީގެ ނިޔަލަށް މި މަސައްކަތުގެ ފުރަތަަމަ ފޭސް ނިމިދާނެކަމަށް ކަން އިހުސާން ވިދާޅުވި އެވެ.
ގަވައިދާ ހިލާފަށް އުޅޭ ބިދޭސީންގެ މައްސަލަ 3 އަހަރުގެ ތެރޭގައި ހައްލުކުރައްވާނެކަމަށް އިހުސާން ވިދާޅުވެފައިވާއިރު ބިދޭސީންގެ މައްސަލަ ހައްލުކުރުމަށް ގައުމީ ހަރަކާތެެއްގައި ގޮތުގައި އޮޕަރޭޝަން "ކުރަނގި" މިނިސްޓްރީން ފެށީ މިދިޔަ މޭމަހުގެ 2 ވަނަދުވަހު ހިންމަފުށީގަ އެވެ.
