ތޮއްޑޫގައި މިއަދު ހުޅުވި މާރުކޭޓު: ފޮޓޯ ބީސީސީ
ތޮއްޑޫގެ އުފެއްދުންތައް ދުނިޔޭގެ ބާޒާރުތަކަށް ނެރުމަށް ބީސީސީން މަސައްކަތް ކުރަނީ
ގުފްތަގް އަޖީރު
24 އޮކްޓޯބަރ 2024 - 10:37:59
ތޮއްޑޫގެ އުފެއްދުންތައް ދުނިޔޭގެ ބާޒާރުތަކަށް ނެރުމަށް ބިޒްނަސް ސެންޓަރ ކޯޕަރޭޝަން (ބީސީސީ) އިން މަސައްކަތް ކުރާނެކަމަށް އެ ކޯޕަރޭޝަނުން ބުންޏެވެ.
Advertisement
މި މަސައްކަތުގެ ފުރަތަމަ ފިޔަވަޅެއްގެ ގޮތުން އއ. ތޮއްޑޫގައި "އިހުރު ބާޒާރު" ގެ ނަމުގައި ދަނޑުވެރިންގެ މާރުކޭޓެއް ވަނީ ހުޅުވާފައެވެ.
ބީސީސީގެ މެނޭޖިން ޑިރެކްޓަރު އިބްރާހިމް ޒިޔާއު ވިދާޅުވީ މި ބާޒާރަކީ ރާއްޖޭގައި ދަނޑުވެރިންނަށް އަމާޒުކޮށްގެން ހުޅުވި ފުރަތަމަ ބާޒާރު ކަމަށެވެ. އަދި މި ބާޒާރުގެ މަގުސަދަކީ ތޮއްޑޫގެ އުފެއްދުންތައް ޓޫރިސްޓުންނަށް ފޯރުކޮށްދިނުން ކަމަށް އޭނާ ވިދާޅުވިއެވެ.
"ތޮއްޑޫއަކީ ޓޫރިޒަމާއި ދަނޑުވެރިކަމުގައި ވެސް މަގުބޫލު ރަށެއް. އަޅުގަނޑުމެންގެ އުއްމީދަކީ ތޮއްޑޫގެ އުފެއްދުންތަކުގެ މަގުބޫލުކަން ޓޫރިސްޓުންގެ މެދުގައި އިތުރުވެގެން ދިއުން. އޭރުން ދުނިޔޭގެ ބާޒާރުތަކަށް މި އުފެއްދުންތައް ނެރުމަށް ފަސޭހަވާނެ،" ޒިޔާއު ބުނީ އެވެ.
ބީސީސީގެ އަމާޒަކީ ދިވެހި ދަނޑުވެރިންގެ އުފެއްދުންތަކަކީ އާންމުންނާއި ރާއްޖެއަށް ޒިޔާރަތްކުރާ ޓޫރިސްޓުން ބަލައިގަންނަ، ފެންވަރު ރަނގަޅު އުފެއްދުންތަކަށް ހެދުން ކަމަށް ޒިޔާއު ވިދާޅުވި އެވެ. މީގެ އިތުރުން، ދިވެހި ވިޔަފާރިވެރިންގެ އުފެއްދުންތައް ކުރިއެރުވުމަށް ތަފާތު ގިނަ މަސައްކަތްތަކެއް ބީސީސީ އިން ދަނީ ކުރަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
