މި މައްސަލައިގައި ހައްޔަރުކުރެވުނީ 26 އަހަރުގެ ބިދޭސީ ފިރިހެނެކެވެ.
ފުލުހުން ބުނީ މި މައްސަލަ ހުށަހެޅިފައިވަނީ މި މަހުގެ 22 ވަނަ ދުވަހު ކަމަށެވެ. އަދި މައްސަލަ ހުށަހެޅުނު ރަށަކީ ސައުތު ޕޮލިސް ސަރަހައްދުގައި ހިމެނޭ ރަށެއް ކަމަށް ފުލުހުން މައުލޫމާތު ދިނެވެ. ނަމަވެސް ކުއްޖާގެ އައިޑެންޓިޓީ ރައްކާތެރިކުރުމަށްޓަކައި ވަކި ރަށެއްގެ ނަން ހާމަކޮށްފައެއް ނުވެއެވެ.
ފުލުހުން އިތުރަށް ބުނީ މި މައްސަލައިގައި ތުހުމަތުކުރެވޭ ބިދޭސީ ހައްޔަރުކޮށްފައިވަނީ ކޯޓު އަމުރެއްގެ ދަށުން ކަމަށެވެ. އަދި މިހާރު މި މައްސަލަ ތަހުގީގު ކުރަމުންދާތީ އިތުރު މައުލޫމާތެއް ހާމަކުރެވެން ނެތް ކަމަށްވެސް ފުލުހުން ބުންޏެވެ.
ކުޑަކުދިންނަށް ކުރާ ޖިންސީ ގޯނާގެ މައްސަލަތައް ދިވެހިރާއްޖޭގައި އިތުރުވަމުންދާކަން ފާހަގަކުރެވެއެވެ. މިފަދަ މައްސަލަތަކުގައި ކުދިންގެ ރައްކާތެރިކަމަށް އިސްކަންދީ، އެކުދިންގެ އައިޑެންޓިޓީ ހާމަނުކުރުމަށް ފުލުހުން ސަމާލުކަން ދެއެވެ.
