މާލޭ ސަރަހައްދުގެ ހޮސްޕިޓަލްތައް ހިންގާ، މާލެ ގްރޫޕް އޮފް ހޮސްޕިޓަލްސް އިން ބުނީ ހުޅުމާލާގެ 250 އެނދުގެ ހޮސްޕިޓަލަށް އަޅަން ނިންމާފައިވަނީ މިހާރު ހުޅުމާލެ ހޮސްޕިޓަލަށް ހިންގަމުން އަންނަ ބިމުގައިކަމަށެވެ. އަދި މި ތަނުގައި އަޅާނީ މަލްޓި ސްޕެޝަލިޓީ އާ ހޮސްޕިޓަލެއްކަމަށްވެސް އެ ގްރޫޕުން ބުނެއެވެ.
މާލޭ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހީމް އަބްދުއް ރައްޒާގް ހަލީމް ވިދާޅުވީ ހުޅުމާލޭގައި އަޅާ ހޮސްޕިޓަލަށް އަޅާނީ މިހާރު ހޮޕޮސްޕިޓަލާއި ގުޅާލާ ގޮތަށެވެ. އަދި މި މަޝްރޫއުގެ ސަބަބުން ހުޅުމާލޭގައި މި ދިރިއުޅޭ ރައްޔިތުންނަށް އެކަށީގެންވާ ސިއްހީ ފަރުވާ ފޯރުކޮށްދެވޭނެކަަމަށް ހަލީމް ވިދާޅުވިއެވެ.
މީގެއިތުރުން ހަލީމް ވިދާޅުވީ ހަތަރު އޮޕަރޭޝަން ތިއޭޓަރު ކޮމްޕްލެކްސް މި އަހަރު ބޭނުންކުރަން ފެށުމަށް މަސައްކަތް ކުރަމުން އަންނަކަމަށެވެ.
އައިޖީއެމްއެޗް ޕާކިން އޭރިއާގެ ހުސްބިމުގައި 25 ބުރީގެ ކެންސަރު ހޮސްޕިޓަލެއް އަޅަން ނިންނާފައިވާކަންވެސް މާލޭ ސިޓީ ގްރޫޕް އޮފް ހޮސްޕިޓަލްސް ސީއީއޯ އިބްރާހީމް އަބްދުއް ރައްޒާގް ހަލީމްވަނީ ވިދާޅުވެގައެވެ.
