މި ވާހަކަތައް ފެތުރެން ފެށީ ރެޑިޓްގައި ޕޯސްޓެއް ވައިރަލްވުމާ ގުޅިގެންނެވެ.
ރެޑިޓްގައި ހިއްސާކޮށްފައިވާ ޕޯސްޓުގައި ބުނެފައިވަނީ 2022 ވަނަ އަހަރު ރިލީޒްކުރި "ދަސްވީ" ފިލްމު ކުޅުމުގެ ތެރޭގައި އަބިޝެކް އަދި ނިމްރަތް ވަރަށް ގާތް ގުޅުމެއް އުފެދުނު ކަމަށެވެ. އަދި މިކަމުގެ ސަބަބުން އަބިޝެކް އަދި އޭނާގެ އަނބިމީހާ އައިޝްވަރިޔާ ރާއީގެ ކައިވެނީގެ ގުޅުމަށް އަސަރުކުރި ކަމަށެވެ.
ނަމަވެސް މި ވާހަކަތަކާ ގުޅޭ ގޮތުން އަބިޝެކް އަދި ނިމްރަތް އެއްވެސް އެއްޗެއް މިހާޔަމަށް ނުބުނެއެވެ. އަދި މި ވާހަކަތަކަކީ ހަގީގަތެއް ކަން ސާބިތުކޮށްދޭ އެއްވެސް ހެއްކެއް ވެސް ނެތެވެ.
މީގެ ކުރިން ވެސް ނިމްރަތްގެ އަމިއްލަ ދިރިއުޅުމާ ގުޅޭ ގޮތުން މިފަދަ ގިނަ ވާހަކަތަކެއް ދެކެވިފައިވެ އެވެ. އޭގެ ތެރޭގައި އިންޑިއާގެ ކުރީގެ ކްރިކެޓް ކޯޗު ރަވި ޝާސްތްރީ އަދި ސައުތު އިންޑިއާގެ މަޝްހޫރު ތަރި ރާނާ ދަގުބަތީ އާ އެކު ގުޅުން އޮތް ކަމަށް ވާހަކަތައް ދެކެވުނެވެ.
އަބިޝެކް އަދި އައިޝްވަރިޔާގެ "ގްރޭ ޑިވޯސް" އަކަށް ދާން އުޅޭކަމަށް ވަނީ އަޑުފެތުރިފައެވެ. އަދި މި އަހަރު އަނަންތް އަމްބާނީގެ ކައިވެނީގެ ރަސްމިއްޔާތަށް ދެމަފިރިން ވަކިވަކިން ހާޒިރުވުމާ ގުޅިގެން މި ވާހަކަތައް އިތުރު ހިތްވަރެއް ވަނީ ލިބިފައެވެ.
