ޝާހުރުކް ހާން ޕަތާންގައި
ޕާކިސްތާނު ޑްރާމާއެއްގެ ރޯލް ޝާރުކް ހާން ކޮޕީކުރި ކަމުގެ ތުހުމަތު
އައިޝަތު ނޫރާ
25 އޮކްޓޯބަރ 2024 - 22:36:47
ޕާކިސްތާނުގެ ތަޖުރިބާކާރު އެކްޓަރެއް ކަމަށްވާ ތައުގީރު ނަސީރު ވަނީ ބޮލިވުޑްގެ ސުޕަ ސްޓާރު ޝާރުކް ހާން އަށް އޭނާގެ ރޯލެއް ކޮޕީ ކުރި ކަމުގެ ތުހުމަތު ކޮށްފި އެވެ.
Advertisement
ތައުގީރު ބުނީ "ކަބީ އަލްވިދާ ނާ ކެހްނާ" ފިލްމުގައި ޝާރުކް ކުޅުނު ކެރެކްޓަރަކީ "ޕަރްވާޒް" ޑްރާމާ ސީރީސްގައި އޭނާ ކުޅުނު ރޯލުގެ ކޮޕީއެއް ކަމަށެވެ. އަދި މި ކަމަށް ކްރެޑިޓް ދޭން ޖެހޭނެ ކަމަށް ވެސް އޭނާ ބުންޏެވެ.
"ޝާރުކް ކުޅުނު ކެރެކްޓަރުގައި ވެސް އަހަރެންގެ ކެރެކްޓަރު ހެން ކޮޅަށް ހިނގުމުގައި މައްސަލަ ހުރި. އަދި ދެ ކެރެކްޓަރަކީ ވެސް ވަރަށް ކޮމްޕްލެކްސް ކެރެކްޓަރުތަކެއް،" ތައުގީރު ޔޫޓިއުބްގައި ޗެނަލަަކަށް ދިން އިންޓަވިއުއެއްގައި ބުންޏެވެ.
ތައުގީރު ބުނި ގޮތުގައި ކަރަން ޖޯހަރު ޑައިރެކްޓް ކުރި މި ފިލްމުގައި އޭނާގެ ކެރެކްޓަރަށް ކްރެޑިޓް ދޭން ޖެހޭނެކަމަށެވެ. . އެހެން ނަމަވެސް އޭނާގެ ކެރެކްޓަރު ކޮޕީ ކުރި ކަމަށް ޝާރުކް އަދި ކަރަން އަދި އެއްބަހެއް ނުވެއެވެ.
2006 ވަނަ އަހަރު ރިލީޒް ކުރި "ކަބީ އަލްވިދާ ނާ ކެހްނާ" އަކީ ބޮލިވުޑްގެ ބޮޑު ހިޓެކެވެ. މި ފިލްމުގައި ޝާރުކްގެ އިތުރުން ރާނީ މުކަރުޖީ، އަބިޝެކް ބަޗަން، ޕްރީތީ ޒިންތާ އަދި އަމިތާބް ބަޗަން ފަދަ ބޮޑެތި ތަރިން ވަނީ މަސައްކަތް ކޮށްފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
