މިއީ ޝުޖޫން އެ މަގާމަށް އިންތިހާބުވެވަޑައިގަތް ހަތަރު ވަނަ ދައުރެވެ. އޭނާ އެންމެ ފުރަތަމަ އެ ކޮމިޓީގެ މެންބަރަކަށް އިންތިހާބުވެވަޑައިގަތީ 2011 ގައެވެ. އޭގެ ފަހުން ބޭއްވުނު ހުރިހާ އިންތިހާބެއްގައި ވެސް އޭނާ ވަނީ ކާމިޔާބު ހޯއްދަވައިފަ އެވެ. މި ދައުރު ނިމޭނީ 2028 ގަ އެވެ.
އެސްޕީޓީ އަކީ އދ. ގެ އެންމެ މުހިންމު އެއް ހިއުމަން ރައިޓްސް ޓްރީޓީ ބޮޑީ އެވެ. މި ކޮމިޓީގައި 25 މިނިވަން އެކްސްޕާޓުން މަސައްކަތްކުރެ އެވެ. އަދި މެންބަރުން މަސައްކަތް ކުރަން ޖެހެނީ އެމީހުންގެ އަމިއްލަ ތަޖުރިބާ ބޭނުންކޮށްގެން މިނިވަންކަމާ އެކު އެވެ.
ރާއްޖެ އަކީ އޮޕްޝަނަލް ޕްރޮޓޮކޯލް ޓު ދަ ކޮންވެންޝަން އަގެއިންސްޓް ޓޯޗާ (އޮޕްކެޓް) އުފެއްދުމުގައި ބައިވެރިވި ފުރަތަމަ 20 ގައުމުގެ ތެރޭގައި ހިމެނޭ ގައުމެކެވެ. އަދި އޭޝިއާ ސަރަހައްދުން އެންމެ ފުރަތަމަ އޮޕްކެޓްގައި ބައިވެރިވި ގައުމަކީ ވެސް ރާއްޖެ އެވެ.
