ހެލްތު މިނިސްޓްރީން މިއަދު ނެރުނު އިއުލާނެއްގައި ބުނީ، އެ ކުންފުނިން އުފައްދާ "ނޯމަލް އިމިއުނޮގްލޮބިއުލިން ފޯ އިންޓްރަވީނަސް ޔޫސް ބީޕީ 5 ޕަސަންޓު (އިމިއުގްލޯ)" ގެ ހަތަރު ބެޗެއްގައި ކޮލިޓީ މައްސަލަ ހުރިކަން ފާހަގަކުރެވިފައިވާ ކަމަށެވެ. މި މައްސަލަ ފާހަގަކޮށްފައިވަނީ ސްރީލަންކާގެ ނޭޝަނަލް މެޑިސިން ރެގިއުލޭޓަރީ އޮތޯރިޓީ އާއި ދުނިޔޭގެ ސިއްހަތު ޖަމިއްޔާއިން ކަމަށް ވެސް އެ މިނިސްޓްރީން ބުނެފައިވެ އެވެ.
މައްސަލަ ހުރި ބެޗްތަކަކީ IG24002AD، IG24001AD، IG24004AD އަދި IG24003AD ކަމަށް ހެލްތު މިނިސްޓްރީން ބުނެފައިވެ އެވެ. އަދި މި ބޭސް ރާއްޖެއަށް އެތެރެކުރުމުގެ ހުއްދަ އެއްވެސް ފަރާތަކަށް ދީފައިނުވާ ކަމަށާއި، މިހާތަނަށް މި ބޭހުގެ އެއްވެސް ބެޗެއް ރާއްޖެއަށް އެތެރެކޮށްފައި ނުވާކަން ކަށަވަރުކޮށްދީފައިވެ އެވެ.
"ނޯމަލް އިމިއުނޮގްލޮބިއުލިން ފޯ އިންޓްރަވީނަސް ޔޫސް ބީޕީ 5 ޕަސަންޓު (އިމިއުގްލޯ)"
ރައްކާތެރިކަމުގެ ގޮތުން، ބޭސް އެތެރެކުރާއިރު ޕޯޓުތަކުގައި ހާއްސަ ސަމާލުކަމެއް ދީގެން ބަލައި ފާސްކުރަމުންދާނެ ކަމަށް ވެސް އެ މިނިސްޓްރީން ބުނެފައިވެ އެވެ. އަދި މިކަމާ ގުޅޭ އިތުރު މައުލޫމާތު ހޯދަން ބޭނުންވާ ފަރާތްތަކަށް 7200321 ނަންބަރާ ގުޅުމަށް އެ މިނިސްޓްރީން އަންގައިފައިވެ އެވެ.
