މިއަދު އެކްސްގައި ކުރެއްވި ޕޯސްޓެއްގައި ސުޖާއު މިހެން ވިދާޅުވީ މުހައްމަދު މަލީހު ކުރެއްވި ޕޯސްޓަކަށް ރައްދު ދެއްވަމުންނެވެ.
ސުޖާއު ކުރެއްވި ޕޯސްޓްގައި ވިދާޅުވީ ސިޔާސީ ޕާޓީ ތަކަށް ރައްޔިތުން ވަންނަގޮތާއި ރައްޔިތުންގެ ތާއީދު ސިޔާސީ ހަރަކާތައް ހޯދަން އެގޭނީ ހިތްވަރާއެކު އެކަމުގައި އުޅެން ކެރޭ މީހުންނަށް ކަަމަށެވެ.
ކުރީގެ ރައީސް ޔާމީން އިސްވެ އުފެއްދި ޕާޓީ ޕީއެންފްއަށް ސެކެރެޓަރީ ޖެނަރަލްގެ މަގާމު ފުރުއްވަމުން ގެންދަވާ މުހައްމަދު މަލީހު ޖަމާލު އެކްސްގައި ކުރެއްވި ޕޯސްޓްގައި ވަނީ މީހުންގެ ސޮއެ ފޯޖްކޮށްގެން ޕާޓީއަކަށް ވެއްދުމަކީ ގާނޫނީ ކުށެއްކަމަށް ބުނެ ވެރިކަން ކުރާ މައި ޕާޓީ ޕީއެންސީއަށް ފާޑު ވިދާޅުވެފައެވެ.
ޕީއެންސީ އަށް މިހާތަނަށް 65،000 އަށް ވުރެ ގިނަ މެމްބަރުން ވަނީ ހަމަކޮށްފައެވެ.
ޕާޓީގެ މެމްބަރޝިޕް އިތުރު ކުރުމަށް މިހާރު ދަނީ މާލެ އާއި އައްޑޫ ސިޓީ އަދި ބ. އަތޮޅުގައި ހަރަކާތްތަކެއް ކުރިއަށް ގެންދަމުންނެވެ.
މި މަސައްކަތަކީ ޕާޓީގެ ރައީސް ޑރ. މުއިއްޒުގެ އިރުޝާދުގެ ދަށުން ކުރިއަށް ގެންދާ މަސައްކަތެއްކަމަށްވާއިރު ޕާޓީގެ އަމާޒަކީ މި އަހަރުގެ ނޮވެމްބަރު މަހުގެ ނިޔަލަށް 75،000 މެމްބަރުން ހަމަކުރުމެވެ.
