ވަޒީރު މިހެން ވިދާޅުވީ މަސްވެރިކަމާއެ ދާއިރާއާއި ގުޅޭ ގޮތުން ރައްޔިތުން މަޖިލީހުގެ މަމަބރުން ކުރިމަތި ކުރެއްވި ސުވާލުތަކަށް ޖަވާބު ދެއްވަމުންނެވެ.
ޝިޔާމް ވިދާޅުވީ މި ސަރުކާރު ވެރިކަމާއި ހަވާލުވިއރު މަސްވެރިންނަށް ދޭންޖެހޭ ފައިސާގެ ބެކް ލޮގުގައި 250 މިލިއަން ރުފިޔާ އޮތްކަމަށެވެ. އަދި އެ ފައިސާ މަސްވެރިންނަށް ދައްކާ މި ސަރުކާރުން މަސްވެރިންނަށް ބަރާބަރަށް ފައިސާ ދެމުން އަންނަކަމަށް ވަޒީރު ޝިޔާމް ވިދާޅުވިއެވެ.
މަހުގެ އަގު ކަނޑައަޅަންޖެހޭނީ ދުނިޔޭގެ ބާޒާރާއި ގުޅިގެންކަމަށާއި މި ސަރުކާރު ވެރިކަމަށް އައިސް ރައީސް ޑރ މުއިއްޒު މަހުގެ އަގަށް ބަދަލު ނުގެނައިނަމަ މަސްވެރިކަމުގެ ސިނާއަތް ނޯންނާނެކަމަށް ޝިޔާމް ވިދާޅުވިއެވެ.
ސިޔާމް ވިދާޅުވީ މިފްކޯއިން ބޭނުންވާ އަގެއްގައި މަސްކިރުމަށް ވޭތުވެދިޔަ ފަސް އަހަރު ފަސް ބިލިއަނެއްހާ ރުފިޔާގެ ސަބްސިޑީޒް ދީފައިވުމުން އޭގެ ނަތީޖާއަކަށް ވީ ސިނާއަތުގެ ތަރައްޤީއަށް އެއްވެސްކަމެއް ނުކޮށް މިއަދު ތިބެންޖެހުން ކަމަށެވެ.
ވަޒީރު ވިދާޅުވީ މި ސަރުކާރު ނިމޭއިރު ރާއްޖޭގައި 25 ހާސް ޓަނު މަސް ރައްކާކުރެވޭ ސްޓޯރޭޖް ހަދާނެކަމަށެވެ.
