ކެންދޫ ދާއިރާގެ މެންބަރު މައުރޫފް ޒާކިރު ހުށަހެޅުއްވި އިސްލާހަށް އެމްޑީޕީގެ ޕީޖީ ލީޑަރު އަދި ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް ތާއީދު ކުރެއްވި އެވެ. ނަމަވެސް އެ އިސްލާހު ބޭރުކޮށްލީ 68 މެންބަރުން ދެކޮޅަށް ވޯޓު ދެއްވުމުންނެވެ. އިސްލާހަށް ތާއީދު ކުރީ އެމްޑީޕީގެ 11 މެންބަރުންނެވެ.
ސަރުކާރުން ހުށަހަޅާފައިވާ ބިލުގައިވާ ގޮތުން، ގެސްޓްހައުސްތަކުން މިހާރު ނަގާ ތިން ޑޮލަރުގެ ގްރީން ޓެކްސް ހަ ޑޮލަރަށް ބޮޑުކުރަން ވަނީ ހުށަހަޅާފަ އެވެ. އަދި ރިސޯޓުތަކާއި 50 ކޮޓަރިއަށް ވުރެ ބޮޑެތި ތަންތަނުން ނަގާ ގްރީން ޓެކްސް ހަ ޑޮލަރުން 12 ޑޮލަރަށް ބޮޑުކުރަން ވެސް ވަނީ ހުށަހަޅާފަ އެވެ.
މުޅި މަޖިލިސް ކޮމިޓީން މި ބިލު ފާސްކުރުމާ ގުޅިގެން ދެން މި ބިލު ދާނީ މަޖިލީހުގެ ތަޅުމަށެވެ. އަދި ތަޅުމުން ފާސްވުމަށް ފަހު ރައީސުލްޖުމްހޫރިއްޔާ ތަސްދީގު ކުރެއްވުމުން މި ގާނޫނަށް އަމަލުކުރަން ފަށާނެ އެވެ.
