މިނިސްޓަރު މިހެން ވިދާޅުވީ މިއަދު ބޭއްވި ރައްޔިތުންގެ މަޖިލީހުގެ ޖަލްސާގައި މެންބަރުން ކުރެއްވި ސުވާލުތަކަށް ޖަވާބު ދެއްވަމުންނެވެ. އޭގެ ތެރޭގައި މިހާރު މެރިކަލްޗާ ސިނާއަތް އޮތީ ވަރަށް ކުޑަ މިންވަރެއްގައި ކަމަށާއި، އެ ސިނާއަތް ވިޔަފާރީގެ ބޮޑު މިންވަރަކަށް ގެންދިއުމަށް މަސައްކަތް ކުރަމުންދާ ކަމަށް ވިދާޅުވި އެވެ.
މެރިކަލްޗާ ސިނާއަތް ތަރައްގީ ކުރުމަށް ރާއްޖޭގެ ހަތަރު ސަރަހައްދެއް ކަނޑައަޅައި، ކެބިނެޓުން ވަނީ ފާސްކޮށްފައެވެ. މިކަމާ ގުޅޭ ގަވާއިދުތައް އެކުލަވާލުމުގެ މަސައްކަތް ކުރަމުންދާ ކަމަށާއި، ގާނޫނަށް ގެންނަންޖެހޭ ބަދަލުތައް ގެނައުމުގެ މަސައްކަތްވެސް ކުރިއަށްދާ ކަމަށް މިނިސްޓަރު ވިދާޅުވި އެވެ.
ބޭރުގެ އިންވެސްޓަރުން މިހާރުވެސް މި ސިނާއަތަށް ވަރަށް ބޮޑަށް ޝައުގުވެރިކަން ފާޅުކުރަމުންދާ ކަމަށް މިނިސްޓަރު ވިދާޅުވި އެވެ. އަދި މި ސިނާއަތް ތަރައްގީ ކުރުމަށް ހުޅުވާލެވޭނީ އެހެން ގައުމުތަކާ ވާދަކުރެވޭ ފަދަ ލުއިފަސޭހަ އުސޫލުތަކަކާ އެކުގައި ކަމަށްވެސް ވިދާޅުވި އެވެ.
