ފިނޭންސް މިނިސްޓްރީން މިފަހަރު ވިއްކާ ޓީ-ބިލްތަކުގެ ތެރޭގައި ހިމެނެނީ 28 ދުވަހުގެ މުއްދަތަށް 235 މިލިއަން ރުފިޔާގެ ޓީ-ބިލާއި، 98 ދުވަހުގެ މުއްދަތަށް 458 މިލިއަން ރުފިޔާގެ ޓީ-ބިލެވެ.އަދި 182 ދުވަހުގެ މުއްދަތަށް 183 މިލިއަން ރުފިޔާގެ ޓީ-ބިލާއި، އަހަރު ދުވަހުގެ މުއްދަތަށް 351 މިލިއަން ރުފިޔާގެ ޓީ-ބިލް ހިމެނެ އެވެ.
ފިނޭންސް މިނިސްޓްރީން ބުނީ މި ޓީ-ބިލްތަކަށް އިންޓްރެސްޓް ރޭޓުގެ ގޮތުގައި 3.50 ޕަސަންޓާއި 4.60 ޕަސަންޓާ ދެމެދުގެ އަދަދެއް ކަނޑައަޅާފައިވާ ކަމަށެވެ. މި ޓީ-ބިލްތައް ގަންނަނީ ޕެންޝަން ފަންޑާއި ބޭންކުތަކާއި ސަރުކާރު ހިއްސާވާ ކުންފުނިތަކުގެ އިތުރުން އަމިއްލަ ކުންފުނިތަކުނެވެ.
ޓީ-ބިލްއަކީ ސަރުކާރުން ދޫކުރާ ކުރު މުއްދަތުގެ ސެކިއުރިޓީޒްގެ ބާވަތެކެވެ. މިއީ ޑިސްކައުންޓް އަގެއްގައި ވިއްކުމަށްފަހު މުއްދަތު ހަމަވުމުން މޫނުމަތީ އަގު އަނބުރާ ދައްކާ ގޮތަށް ނަގާ ފައިސާ އެވެ.
