ގައުމީ ޔުނިވާސިޓީގެ 2024 ވަނަ އަހަރުގެ ދަސްވެނިވުމުގެ ރަސްމިއްޔާތުގައި ވާހަކަފުޅުދައްކަވަމުން ރައީސް ވިދާޅުވީ ކްރިޕްޓޯ ކަރެންސީ ރާއްޖެއަށް ތަޢާރުފުކުރުމަށްޓަކައި، މަސައްކަތްތައް ފަށަން އެމްއެމްއޭގެ ގަވަރުނަރަށް މިހާރު ދަންނަވާފައިވާނެ ކަމަށެވެ.
އެ މަނިކުފާނު ވިދާޅުވީ ޑިޖިޓަލް ކަރަންސީ ގެނައުމަށް ހުރިހާ ކަމަކަށް ފަރުވާ ލިބޭނެ ގޮތަށް ގާނޫނު ހަދައި އަދި އިންޓަނޭޝަނަލް ބެސްޓް ޕްރެކްޓިސްގެ މިންގަނޑަށް ޑިޖިޓަލް ކަރަންސީ ފުޅާކުރުމަކީ ޕްލޭނެއް ކަމަށެވެ.
އެ ކަންކަމަކީ ކިޔަވައިގެން ނުކުންނަ ދަރިވަރުން، އެކި ފަންނުވެރިންނާއި އިގުތިސާދުގައި ހަރަކާތްތެރިވުމުގައި ހުރި ފުރުސަތުތައް ކަމަށް ވެސް ވިދާޅުވި އެވެ.
ޑިޖިޓަލައިޒޭޝަންގެ ތެރެއިން އާޓިފިޝަލް އިންޓެލިޖެންސްގައި ރާއްޖެ ވާނީ، ރައީސް ވިދާޅުވި ގޮތުގައި، ދުނިޔޭގެ މައިދާނުގައި އެންމެ ކުރީސަފުގައި ލީޑްކުރާ ގައުމަކަށް ކަމަށެވެ.
