ވިނީޝިއަސް ޗެލްސީއަށް ބަދަލުވާން އުޅޭ ކަމުގެ އަޑުތައް އެރީ، އޭނާ ރިއާލްއާއެކު ހަދާފައިވާ ކޮންޓްރެކްޓް އިތުރު ކުރަން ދެކޮޅު ހެދުމުންނެވެ.
ހުޅަނގުގެ ބައެއް މީޑިއާ ރިޕޯޓްތައް ބުނާ ގޮތުން ވިނީޝިއަސްއަށް ރިއާލް އިން ހުށަހެޅީ އާ ކޮންޓްރެކްޓްގައި ސޮއިކުރަން އޭނާވަނީ ދެކޮޅު ހަދާފައެވެ. ވިނީޝިއަސްއާ ރިއާލްއާއެކު މިހާރު އޮތް އެގްރީމެންޓް ހަމަވާނީ 2027 ވަނަ އަހަރުއެވެ.
ވިނީޝިއަސްގެ އާ ކޮންޓްރެކްޓްގައި ސޮއި ކުރަން އޭނާ ދެކޮޅު ހެދިއިރު، ބައެއް ރިޕޯޓްތައް ބުނާ ގޮތުން އޭނާ ބޭނުންވަނީ އިގިރޭސިވިލާތަށް ބަދަލުވާށެވެ. ސްޕެއިންގައި އޭނާއަށް ކުރިމަތިވަމުންދާ ނަސްލީ ތަފާތު ކުރުންތަކުގެ ސަބަބުން އެ ގައުމުގައި އޭނާ ހުންނަން ބޭނުންނުވާ ކަމަށް އޭނާގެ ގާތް މީހުންނާ ހަވާލާދީ ބައެއް ރިޕޯޓްތައް ބުނެއެވެ.
ޗެލްސީއަށް ވިނީޝަސް ބަދަލުވާން އުޅޭ ކަމަށް ބައެއް ރިޕޯޓްތައް ބުނި ނަމަވެސް ރަސްމީ ސިފައެއްގައި ޗެލްސީއަކުންވެސް އަދި ވިނީޝަސްގެ ފަރާތަކުންވެސް އެ ވާހަކަ ދައްކާފައެއް ނުވެއެވެ.
