ދިރާގަށް މި ކުއާޓަރުގައި އާމްދަނީގެ ގޮތުގައި 691.1 މިލިއަން ރުފިޔާ ލިބުނު ކަމަށް އެ ކުންފުނިން ބުންޏެވެ. މިއީ ކުރީ ކުއާޓަރާ އަޅާބަލާއިރު އިތުރުވުމެކެވެ. ދެވަނަ ކުއާޓަރުގައި ދިރާގަށް ލިބުނީ 687.2 މިލިއަން ރުފިޔާ އެވެ.
އެންމެ ބޮޑު އާމްދަނީއެއް ދިރާގަށް ލިބިފައިވަނީ މޯބައިލް ހިދުމަތްތަކުންނެވެ. މި ދާއިރާއިން 363.3 މިލިއަން ރުފިޔާ ލިބުނު އިރު، ފިކްސްޑް، ބްރޯޑްބޭންޑް އަދި އެންޓަޕްރައިސް ހިދުމަތްތަކުން 306.7 މިލިއަން ރުފިޔާ ލިބުނެވެ. އަދި އެހެނިހެން ހިދުމަތްތަކުން 21 މިލިއަން ރުފިޔާ ލިބުނެވެ.
ދިރާގުން އިތުރަށް ބުނީ ޓެކުހަށް ކެނޑުމުގެ ކުރިން މި ކުއާޓަރުގެ ފައިދާއަކީ 282 މިލިއަން ރުފިޔާ ކަމަށެވެ. މި ހިސާބުތަކުން ދައްކާ ގޮތުގައި ދިރާގުގެ ވިޔަފާރި ކުރިއަރަމުން އަންނަ ކަމަށް ފާހަގަކުރެވެ އެވެ.
މި ހުރިހާ ހަރަދަކާއެކު ޓެކްސްއަށް ކެނޑުމަށް ފަހު، ސާފު ފައިދާގެ ގޮތުގައި ދިރާގަށް ލިބިފައިވަނީ 241 މިލިއަން ރުފިޔާއެވެ.
މި އަހަރުގެ ތިންވަނަ ކުއާޓަރުގައި ދިރާގުން ވިއްކާ ހިއްސާއެއްގެ އަގު 3.17ގައި ހުރިއިރު، މިދިޔަ ކުއާޓަރުގައި އެ އަދަދު ހުރީ 3.16ގަ އެވެ.
