އެ ކުންފުނިން އާންމުކޮށްފައިވާ ތިންވަނަ ކުއާޓަރުގެ މާލީ ހިސާބުތައް ދައްކާ ގޮތުންް މި އަހަރުގެ ދެވަނަ ކުއާޓަރާ އަޅާބަލާއިރު ތިން ވަނަ ކުއާޓަރުގައި އެ ކުންފުންޏަށް ލިބުނު އާމްދަނީ ވަނީ އިތުރެވެ. ދެވަނަ ކުއާޓަރުގެ އާމްދަނީ އަކީ 540 މިލިއަން ރުފިޔާ އެވެ.
ހިސާބުތައް ދައްކާ ގޮތުންތިންވަނަ ކުއާޓަރުގައި އުރީދު އަށް އެންމެ ބޮޑު އާމްދަނީއެއް ލިބުނީ މޮބައިލް ހިދުމަތްތަކުންނެވެ. އެ ގޮތުން އެ ހިދުމަތްތަކުން 411.2 މިލިއަން ރުފިޔާ ލިބިފައިވެ އެވެ.
ފިކްސްޑް، ބްރޯޑްބޭންޑް އެންޑް އެންޓަޕްރައިސް ހިދުމަތްތަކުން 132.6 މިލިއަން ރުފިޔާގެ އާމްދަނީއެއް މި އަހަރުގެ ތިންވަނަ ކުއާޓަރުގައި ލިބުނުއިރު އެހެނިހެން ހިދުމަތްތަކުން 198،000 ރުފިޔާގެ އާމްދަނީއެއް ލިބުނެވެ.
ޓެކުހަށް ކެނޑުމަށްފަހު މި އަހަރުގެ ތިންވަނަ ކުއާޓަރުގައި އުރީދޫއަށް ވަނީ 167 މިލިއަން ރުފިޔާ ފައިދާވެފަ އެވެ. ޓެކުހަށް ކެނޑުމުގެ ކުރިން މި އަދަދު ހުރީ 195 މިލިއަން ރުފިޔާގަ އެވެ.
