މީރާއިން ހާމަކުރި އެންމެ ފަހުގެ ހިސާބުތަކުން ދައްކާ ގޮތުގައި، މިއީ މިދިޔަ އަހަރުގެ މި މުއްދަތާ އަޅާބަލާއިރު 10.7 ޕަސަންޓުގެ ކުރިއެރުމެކެވެ.
މީރާއިން ބުނީ މިދިޔަ އަހަރުގެ މި މުއްދަތުގައި ޓީޖީއެސްޓީގެ ގޮތުގައި ލިބިފައިވަނީ 104.45 މިލިއަން ޑޮލަރު ކަމަށެވެ. މި އަހަރު ޓީޖީއެސްޓީގެ އާމްދަނީ އިތުރުވެފައިވަނީ 11.19 މިލިއަން ޑޮލަރުންނެވެ.
ނިމިދިޔަ ކުއާޓަރުގެ ހިސާބުތަކަށް ބަލާއިރު، ދައުލަތަށް އެންމެ ބޮޑު އާމްދަނީއެއް ލިބިފައިވަނީ ޓީޖީއެސްޓީގެ ގޮތުގައެވެ. އަދި މުޅި ކުއާޓަރުގައި ދައުލަތަށް ޑޮލަރުން ލިބުނު ޖުމުލަ އާމްދަނީ ވަނީ 240.65 މިލިއަން ޑޮލަރަށް އަރާފައެވެ. މިއީ މިދިޔަ އަހަރުގެ މި މުއްދަތާ އަޅާބަލާއިރު 11 ޕަސަންޓުގެ ކުރިއެރުމެކެވެ.
ޓީޖީއެސްޓީގެ އިތުރުން، ޓޫރިޒަމް ބިމު ކުލި އަދި އެއާޕޯޓް ޑިވެލޮޕްމަންޓް ފީގެ ގޮތުގައި ލިބުނު އާމްދަނީވެސް ވަނީ އިތުރުވެފައެވެ. ނަމަވެސް އިންކަމް ޓެކުހުގެ ގޮތުގައި ލިބުނު އާމްދަނީ ވަނީ 13 ޕަސަންޓު ދަށްވެފައެވެ.
