އޭސީސީގެ އޮފިސަރުން މިއަދު އެމްއެމްސީގެ އޮފީހަށް ވަދެ، އެވޯޑާ ގުޅުން ހުރި ލިޔެކިޔުންތައް އަންނީ ހޯދަމުންނެވެ. މި މައްސަލައިގައި ތުހުމަތު ކުރެވެނީ އޯޑިއޯ/ވީޑިއޯ ކެޓަގަރީގެ ތަހުގީގީ ދާއިރާއިން "އަދަދު" އޮންލައިންގެ "ސްކީލާން" ޑޮކިއުމެންޓްރީއަށް ދިން އެވޯޑާ ގުޅޭ ގޮތުންނެވެ.
އެވޯޑު ދިން ޖަޖުންގެ ޕެނަލުން ބުނީ މި އެވޯޑު ދީފައި ވަނީ އެވޯޑުގެ އުސޫލުތަކާއި މަގުސަދުތަކާ ހިލާފަށް ކަމަށެވެ. "ސްކީލާން" ޑޮކިއުމެންޓްރީ އަކީ ރައީސް މުހައްމަދު މުއިއްޒުގެ ދޮންމަންމައާ ގުޅުވައިގެން އެ މަނިކުފާނަށް ބޮޑެތި ތުހުމަތުތަކެއް ކޮށްފައިވާ ޑޮކިއުމެންޓްރީ އެކެވެ.
ރައީސް މުއިއްޒުގެ ފަރާތުން އެ ޑޮކިއުމެންޓްރީގައި ކުރާ ތުހުމަތުތައް ދޮގު ކަމަށް ވިދާޅުވެފައިވާއިރު، އެ ޑޮކިއުމެންޓްރީގައި ރައީސްގެ ބަހެއް ހިމަނާފައި ނުވާތީ އެ މަނިކުފާނުގެ ފަރާތުން ވަނީ ކަންބޮޑުވުން ފާޅުކުރައްވާފަ އެވެ.
މި މައްސަލައިގައި ސީއެންއެމްއިން މީޑިއާ ކައުންސިލް އަށް ގުޅުމުން ބުނީ ޖަވާބު ދެވޭނީ އީމެއިލް މެދުވެރިކޮށް ކަމަށެވެ. އަދި އީމެއިލް މެދުވެރިކޮށް ޖަވާބެއް ހޯދުމުގެ މަސައްކަތް މި އަންނަނީ ކުރަމުންނެވެ.
