އަމީން އަދި އޭނާގެ ވަކީލު ހައިކޯޓުގައި
އަމީންގެ ޓެރަރިޒަމްގެ މައްސަލައަކީ ސިއްރުން ހިންގާ މައްސަލައެއް ނޫން: ކޯޓު
އަހުމަދު ހަސަން
04 ނޮވެންބަރ 2024 - 13:44:25
ޏ. ފުވައްމުލަކު ކަރިއްޔާވިލާ މުހައްމަދު އަމީންގެ މައްޗަށް ދައުލަތުން ދައުވާކުރި އިސްލާމިކް ސްޓޭޓް ޖަމާއަތާ ގުޅިގެން އުޅުމާއި ހަނގުރާމައިގައި ބައިވެރިވުމަށް ސީރިއާއަށް ދިވެހިން ފޮނުވި ކަމަށް ބުނާ މައްސަލައަކީ ސިއްރުން ކުރިއަށް ގެންދަން ޖެހޭ މައްސަލައެއް ނޫން ކަމަށް ހައިކޯޓުން ނިންމައިފިއެވެ.
Advertisement
އަމީންގެ މައްޗަށް ދައުލަތުން ކުރީ ކުރީ ޓެރަރިސްޓް ޖަމާއަތެއްގައި ބައިވެރިވުމުގެ ދައުވާ އާއި ޓެރަރިޒަމްގެ އަމަލެއް ރޭވުމުގެ ދައުވާ އެވެ. ދަށު ކޯޓުގައި އަމީންގެ ޝަރީއަތް ހިންގީ އާންމުކޮށް ހުޅުވާނުލަ އެވެ. އާއްމުކޮށް ހުޅުވައި ނުލައި ކުރިއަށް ގެންދިޔަ މި މައްސަލައިގައި އަމީންގެ މައްޗަށް 27 އަހަރުގެ ޖަލު ހުކުމެއް އިއްވާފައިވާއިރު، އެ މައްސަލައިގެ އިސްތިއުނާފު މިއަދުވަނީ ހައިކޯޓުގައި ފަށާފައެވެ.
ހައިކޯޓުގައި މި މައްސަލަ ކުރިއަށް ގެންދަނީ އާއްމުކޮށް ހުޅުވާލައިގެންނެވެ. މައްސަލަ ސިއްރު ކުރަން އިސްތިއުނާފު ކުރާ ފަރާތުން އެދުނުނަމަވެސް، ދައުލަތުން އެކަމާ ދެކޮޅު ހެދިއެވެ. އަދި މައްސަލަ ބައްލަވާ ފަނޑިޔާރުން ނިންމެވީ މައްސަލަ އާއްމުކޮށް ހުޅުވާލައިގެން ކުރިއަށް ގެންދާށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
100%
ވަރަށް ސަލާމް
ކޮމެންޓްސް
