އިސީ މެމްބަރުކަމަށް ހަސީބް އައްޔަންކުރަން ނަން މަޖިލިހަށް ފޮނުވާފައިވަނީ ކޮމިޝަންގެ ރައީސްގެ މަގާމުގައި ހުންނެވި ފުއާދު ތައުފީގުގެ ދައުރު މިމަހު 24އަށް ހަމަވާތީއެވެ.
ހަސީބަށް އިލެކްޝަންސް ކޮމިޝަނަށް އައްޔަންކުރަން ރުހުން ދިނުމަށް މިއަދުގެ ޖަލްސާގައި ނެގި ވޯޓުގައި ބައިވެރިވި 67 މެންބަރުންގެ އިއްތިފާގުން ވަނީ ރުހުން ދިނުމަށް ފާސްކޮށްފައެވެ.
ހަސީބު ވަނީ އިސްލާމިކް މިނިސްޓްރީގްގެ ޕާމަނަންޓް ސެކްރެޓަރީގެ މަގާމު ފުރުއްވާފަ އެވެ. އެހެން ނަމަވެސް ސުލޫކީ މައްސަލަތަކެއް ހުރިކަމަށް ބުނެ 2021 ވަނަ އަހަރުގެ ފަހު ކޮޅު އޭނާ ވަނީ އެ މަގާމުން ވަކިކޮށްފައެވެ. ހަސީބު މިހާރު ހުންނެވީ އިލްކްޝަންސް ކޮމިޝަންގެ އެސިސްޓެންޓް ޑިރެކްޓަރުކަމުގެ މަގާމުގައެވެ.
އިލެކްޝަންސް ކޮމިޝަނުގެ މެމްބަރެއްގެ ދައުރަކީ ފަސް އަހަރެވެ. އެ ކޮމިޝަނުގެ މެމްބަރު ކަމަށް ފުއާދު އައްޔަނު ކުރީ ނޮވެމްބަރު 24، 2019 ގައެވެ. 2008 ވަނަ އަހަރު އެންމެ ފުރަތަމަ މަލްޓި ޕާޓީ ރިޔާސީ އިންތިހާބު ބޭއްވިއިރު ވެސް ފުއާދަކީ އިލެކްޝަަންސް ކޮމިޝަނުގެ މެމްބަރެކެވެ.
ފުއާދުގެ އިތުރުން ދެން ކޮމިޝަންގައި ތިއްބަ ވަނީ ޑރ. މުހައްމަދު ޒާހިރާއި އަލީ ނަޝާތާއި މުހައްމަދު އާސިފް އަދި ހަސަން ޒަކަރިއްޔާ އެވެ
