ކޮމިޝަނާއި އެންޓީ ކޮރަޕްޝަން ކޮމިޝަންގެ ގާނޫނު މިހާރު ބުނާ ގޮތުން އެ ކޮމިޝަންތަކުގެ ރައީސާއި ނައިބު ރައީސް އައްޔަންކުރާ ކޮމިޝަންގެ ޖަލްސާގައި މެމްބަރުގެ ތެރޭގައި ނަގާ ވޯޓަކުން ހޮވޭ މެމްބަރެކެވެ.
ސަރުކާރުގެ ފަރާތުން އޭސީސީގެ ގާނޫނަށް އިސްލާހު ގެނައުމަށް ހުށައެޅުއްވީ ފެލިދޫ ދާއިރާގެ މެންބަރު އާދަމް ޒާހިރުއެވެ. އިލެކްޝަންސް ކޮމިޝަންގެ ގާނޫނަށް އިސްލާހު ހުށައެޅުއްވީ ކެލާ ދާއިރާގެ މެންބަރު އަބްދު ﷲ ޝަރީފެވެ.
މި ދެ ބިލްގައިވާ ގޮތުންވެސް އެ ކޮމިޝަންތަކުގެ ރައީސްއާއި ނައިބު ރައީސް އައްޔަންކުރަން ބޭނުންވާ ކޮންމެ ފަހަރަކު ކޮމިޝަން މެްމބަރުންގެ ތެރެއިން މެމްބަރެއްގެ ނަން ރައީސް މަޖިލިހަށް ފޮނުވަންޖެހެއެވެ. އަދި އެ މަގާމަށް އައްޔަންކުރާނީ ރައީސް ފޮނުވާ ނަން މަޖިލީހުން ފާސްކުރުމުންކަމަށް އެ އިސްލާހުގައިވެއެވެ.
މި ދެ ބިލު މަޖިލިހަށް ބަލައިގަތީ 60 މެންބަރުން ވޯޓާއިއެކުއެވެ. އޭސީސީގެ ގާނޫނަށް އެ އިސްލާހު ގެންނަން ނުފެންނަ ކަމަށް ފަސް މެންބަރުން ވޯޓު ދެއްވިއިރު އީސީގެ ގާނޫނަށް އެ އިސްލާހު ގެންނަން ނުފެންނަ ކަމަށް ހަ މެންބަރުން ވޯޓު ދެއްވި އެވެ.
އެ ދެބިލް ދިރާސާ ކުރަން މަޖިލީހުގެ މިނިވަން މުއައްސަސާތަކާ ބެހޭ ކޮމިޓީ އަށް ވަނީ ފޮނުވާފައެވެ.
