Advertisement

އަމިއްލަ ދަނޑުގައި ކުޅުނު މެޗުން ރެއާލް ބަލިވީ އޭސީ މިލާން އަތުން 3-1 އިންނެވެ. ރޭ ގެ މެޗުގެ 12 ވަނަ މިނިޓްގައި މިލާންއަށް ލީޑު ނަގައިދިނީ، މަލިކް ތިއޯއެވެ. އެކަމަކު، ޕެނަލްޓީއެއް ކާމިޔާބުކޮށް، ވިނީޝިއުސް ޖޫނިއާ ރެއާލަށް އެއްވަރުކޮށްދިނެވެ. މިލާންއަށް ދެވަނަ ފަހަރަށް ކުރި ހޯދައިދިނީ، އަލްވާރޯ މޮރާޓާއެވެ. އަދި ފަހު ގޯލު ޖެހީ ޓިޖާނީ ރައިންޑާސް އެވެ.

ރޭގެ ބައްޔާއެކު، އެންމެ ފަހުގެ ޗެމްޕިއަން، ރެއާލް ހަތަރު މެޗުގެ ތެރެއިން ދެ ވަނަ މެޗުން މި ވަނީ ބަލިވެފަ އެވެ. މީގެ ކުރިން ފްރާންސްގެ ލިލް އަތުންވެސް އެ ޓީމު ވަނީ ބަލިވެފަ އެވެ. އަދި ދާދި ފަހުން އެލް ކްލެސިކޯގައި ބާސެލޯނާ އަތުންވެސް ވަނީ 4-0 ގެ ނަތީޖާއަކުން ބަލިވެފަ އެވެ.

ހަތަރު މެޗު ކުޅެގެން ދެ މެޗުން މޮޅުވި، މިލާން ހަ ޕޮއިންޓާ އެކު، 18 ވަނައިގައި އޮތްއިރު، ރެއާލް އޮތީ 17 ވަނައިގަ އެވެ.