ޔޫއެފާ ޗެމްޕިއަންސް ލީގުގައި ރޭ ޖަރުމަނުގެ ބަޔާ ލެވަކޫސަން އަތުން ލިވަޕޫލް މޮޅުވީ ހަތަރު ލަނޑު ސުން ލަނޑުންނެވެ. ލިވަޕޫލްގެ ކުރީގެ މިޑްފީލްޑަރު، ޒަބީ އަލޮންސޯ ކޯޗުކޮށްދޭ ލެވަކޫސަން ކޮޅަށް ލިވަޕޫލުން ހަތަރު ގޯލު ޖެހީ ފަހު ހާފުގަ އެވެ. އެ ޓީމުގެ ތިން ގޯލު ޖަހައި، ލުއިޒް ޑިއާޒް ވަނީ ލިވަޕޫލަށް ޑިއާޒް ހެދި ފުރަތަމަ ހެޓްރިކް ރޭ ހަދާފައެވެ.
މުޅިން އާ ފޯމެޓަކަށް މި އަހަރުގެ ޗެމްޕިއަންސް ލީގު ކުރިއަށް ގެންދާއިރު ފުރަތަމަ ބުރުގައި ޖުމްލަ 36 ޓީމު ވާދަކުރާ ލީގު އުސޫލުން ކޮންމެ ޓީމެއްވެސް އަށް މެޗު ކުޅޭނެ އެވެ. އަދި ދެވަނަ ބުރުން ފެށިގެން ކުރިއަށްދާނީ ކުރިންވެސް މުބާރާތް ކުރިއަށް ގެންދިޔަ ގޮތަށެވެ.
ލިވަޕޫލްގެ އެންފީލްޑް ގައި ކުޅުނު މި މެޗު ކާމިޔާބު ކުރުމާއެކު ލިވަޕޫލް އަށް ވަނީ 4 މެޗުން މޮޅުވެ ޖުމްލަ 12 ޕޮއިންޓާއެކު ތާވަލުގެ އެއްވަނަ މަގާމް ލިބިފަ އެވެ. ލެވަކޫސަން އަށް ޗެމްޕިއަންސް ލީގުގައި ކުޅުނު ހަތަރު މެޗުން ލިބިފައިވާ ހަތް ޕޮއިންޓާއެކު އެ ޓީމު އޮތީ ތާވަލުގެ 11 ވަނައިގަ އެވެ.
