ޔޫތު މިނިސްޓްރީން މި މައްސަލައިގައި އޮކްޓޫބައި މަހު ނެރުނު ބަޔާނެއްގައި ބުނެފައިވަނީ އިސްލާމް ދީނާ ހިލާފު އެއްވެސް ކަމަކަށް ސަރުކާރުން ތާއީދު ނުކުރާ ކަމަށާއި، މިފަދަ ކަންކަން ހުއްޓާލުމަށް އިލްތިމާސް ކުރާ ކަމަށެވެ. އަދި ރާއްޖެ ތަމްސީލުކުރުމުގެ ނަމުގައި މިފަދަ ހަރަކާތްތަކުގައި ބައިވެރިވުން ސަރުކާރުން ކުށްވެރިކުރާ ކަމަށް ބަޔާނުގައި ބުނެފައިވެ އެވެ.
އުމުރުން 21 އަހަރުގެ ޝައިނާއަކީ ޓޮޕް މޮޑެލް މޯލްޑިވްސް 2022 ކާމިޔާބުކުރި ފަރާތެވެ. މިސް ޔުނިވާސްގެ 73 ވަނަ މުބާރާތް އޮންނާނީ އަންނަ މަހުގެ 14 އިން 16 އަށް މެކްސިކޯގައެވެ. މި މުބާރާތުގައި 130 ގައުމަކުން ބައިވެރިވާއިރު، ދިވެހިރާއްޖެއަކީ މި މުބާރާތުގައި އަލަށް ބައިވެރިވާ ގައުމުތަކުގެ ތެރޭގައި ހިމެނޭ ގައުމެކެވެ.
ސޯޝަލް މީޑިއާގައި ދައުރުވާ ފޮޓޯތަކުން ފެންނަ ގޮތުގައި، ޝައިނާ މިހާރު ވަނީ މުބާރާތުގެ އެހެން ބައިވެރިންނާއެކު މެކްސިކޯގައި އެވެ. އަދި އޭނާ ހުރީ މިސްވޯލްޑް މޯލްޑިވްސް ޖަހާފައި ހުރި ބޭނަރެއް އަޅައިގެންނެވެ.
